არაბეთიშ ჩქონი
არაბეთიშ ჩქონი — უდიდაში ჩქონი მოსოფელს.
| არაბეთიშ ჩქონი არაბ. شبه الجزيرة العربية ვარდა არაბ. جزيرة العرب | |
 | |
| ორენი | აზია |
| აკვატორია | ჭითა ზუღა სპარსეთიშ ჸუჯი არაბეთიშ ზუღა ომანიშ ჸუჯი ადენიშ ჸუჯი |
| კოორდინატეფი | / |
| ფართობი | 3250000 კმ² |
| ქიანა |  არაბეფიშ გოართოიანაფილი საამიროეფი ერაყი იემენი იორდანია ისრაელი კატარი ლიბანი ქუვეითი ომანი საუდიშ არაბეთი.svg){kind=small} სირია ბაჰრეინი |
| მახორობა (2008) | ~78 მილიონი |
იდვალუაფუ აზიაშ ობჟათე-ბჟადალ ნორთის. თიში ფართობი 3 მლნ. კმ²-ს ანჭუ. ფართობიშ შანულამი ნორთი, არხო ბჟაეიოლი, ასრულენს დიდი შანულობაშ გეოპოლიტიკურ როლს ნაფთობიშ დო ორთაშობური გაზიშ დიდი ოზირუეფიშ გეშა.
გეოგრაფია
არაბეთიშ ჩქონს ელ-მოლს ომძღჷ გეჸვენჯი ზუღეფი: ბჟადალშე - ჭითა ზუღა დო აკაბიშ ჸუჯი, ოორუე-ბჟაეიოლშე - სპარსეთიშ ჸუჯი, ჰორმუზიშ საროტი დო ომანიშ ჸუჯი. ობჟათეშე - არაბეთიშ ზუღა (ინდოეთიშ ოკიანეშ ნორთი), ადენიშ ჸუჯი დო ჩქონიშ ობჟათე-ბჟადალშე კუნთხუს მადვალუ ბაბ-ელ-მანდებიშ საროტი, ნამუთ ართიანს მითმიორსხუანს ჭითა ზუღას დ ადენიშ ჸუჯის.
ჩქონიშ ოორუე ნორთის, იდვალუაფუ სირიაშ ტიოზი (200,000 კვადრატული მილი). ჩქონიშ არძაშე რეალური სახე ტიოზი რე, მარა ობჟათე ნორთის იდვალუაფუ გვალეფიშ სისტემა, სოდეთ ფხშირიე ჭვემეფი.
პოლიტიკური ხურგეფი
არაბეთიშ ჩქონს იდვალუაფუ სახენწჷფოეფი: ბჟაეიოლშე - ბაჰრეინი, კატარი, არაბეფიშ გოართოიანაფილი საამიროეფი, ობჟათე-ბჟაეიოლშე - ომანი, ომჟათეშე - იემენი, ცენტრალურ ნორთის - საუდიშ არაბეთი, ოორუეშე, სქირონაშქა ზუღას ისრაელი დო პალესტინაშ ტერიტორიეფი. ოორუეშე იდვალუაფუ სირიაშ ტიოზი, ნამუთ თაშნეშე ოორუე-ბჟადალ იორდანიას, ობჟათე-ბჟაეიოლ სირიას, ობჟათე ქუვეითის დო ბჟადალ ერაყის.
არძა ქიანა, იემენიშ მოხ, მიშმურს სპარსეთიშ ჸუჯიშ წოროხანდაშ სხუნუშა დო რჩქინელი რენა მუჭოთ სპარსეთიშ ჸუჯიშ არაბული ქიანეფი. ჩქონიშ უდიდაში ნორთის იკენს საუდიშ არაბეთიშ ომაფე. მახორობაშ უდიდაში ნორთი შაყარელიე საუდიშ არაბეთის დო იემენს. არაბეთიშ ჩქონს იდვალუაფუ მოსოფელიშ უდიდაში ნაფთობიშ საბადოეფი. რეგიონიშ ეკონომიკურო არძაშე გოვითარაფილი ქიანეფი რენა - საუდიშ არაბეთი დო არაბეფიშ გოართოიანაფილი საამიროეფი. ჩქონიშ მერკე, სპარსეთიშ ჸუჯის მადვალი კატარიშ ჩქონს იდვალუაფუ სახენწჷფო - კატარი, ნამუთ ნთელ მოსოფელს რჩქინელიე არაბულ დო ინგლისურნინამი ტელეკომპანია ალ-ჯაზირათი.
მახორობა
2008 წანაშ მუნაჩამეფით, არაბეთიშ ჩქონის მახორობა აკმადგინანს 77 983 36 ადამიერს. სპარსეთიშ ჸუჯიშ ქიანეფს, გჷშაკერძაფილო დიდიე ემიგრანტეფიშ მუდანობა. სამანგათ, საუდიშ არაბეთის თინეფი მახორობაშ 20%-ს აკმადგინანა.
რესურსეფი ინტერნეტის
- არაბეთიშ ჩქონიშ ჯვეში, მაღალი გორჩაფონი რუკა Archived 2014-07-14 ვებ-ხასჷლას Wayback Machine.
- ჩქონიშ რუკა Archived 2008-12-17 ვებ-ხასჷლას Wayback Machine.
This article uses material from the Wikipedia მარგალური (Margaluri) article არაბეთიშ ჩქონი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.