Cirgistan: Un pais en Asia
La Republica Cirgiz (cirgiz: Кыргызстан), comun nomida Cirgistan, es un pais sin costa en Asia sentral, con tereno montaniosa.
| Republica Cirgiz Кыргыз Республикасы Kyrgyz Respublikasy Кыргызская Республика Kirgizskaya respublika | |||
 |  | ||
 | |||
| Informa jeneral | |||
| Capital: | Bixcec | ||
| Lingua ofisial: | Cirgiz e rusce | ||
| Dirije | |||
| Governa: | Republica parlamental | ||
| - Xef de stato: | Sadyr Japarov | ||
| - Xef de governa: | Akylbek Japarov | ||
| Otras | |||
| Area: | 199 951 km² | ||
| Popla: | 5 548 042 | ||
| Densia: | 27,4 | ||
| PIB: | US$ 13 946 | ||
| Mone: | Som cirgiz (KGS | ||
| Zona de ora: | UTC + 6 | ||
| Numero de telefon: | +996 | ||
| Interede: | .kg | ||
 | |||
Lo es bordada par Cazacstan a la norde, Uzbecistan a la ueste e sude-ueste, Tadjicistan a la sude-ueste e Jonguo a la este. Sua capital e site la plu grande es Bixcec.
La istoria rejistrada de Cirgistan estende tra 2000 anios, e inclui cultures e imperos diversa. An si lo es jeografial isolida par sua tereno multe montaniosa (cual ia aida lo a conserva sua cultur antica), Cirgistan ia es a la crus de vias de alga sivilias grande como un parte de la Via de Seda e otra vias comersial e cultural. Abitada tra multe tempo par un serie de tribus e clanes nondependente, Cirgistan ia sede a domina par stranjeres a veses, e ia ateni autonomia como un stato-nasion sola pos la desintegra de la Uni Soviet en 1991.
Pos sua autonomi, Cirgistan es ofisial un republica parlamental unial, ma lo sufri ancora geras etnical, revoltas, problemes economial, governas tempora e disputas political. Lo es un membro de la Comunia de Statos Nondependente, la Uni Economial Eurasian, la Organiza de la Trata de Securia Coletiva, la Organiza de Coopera de Shanghai, la Organiza de Coopera Muslim, la Consilio Turcica, la Comunia TÜRKSOY e la Nasiones Unida.
Cirgizes etnical composa la majoria de la 5,7 milion abitores de la pais, segueda par minorias importante de uzbeces e rusces. La lingua cirgiz es prosima relatada a otra linguas turcica, an si rusce resta vasta parlada e es un lingua ofisial, un lega de un sentenio de rusci. La majoria de la popla es muslimes nonramal. En ajunta a sua orijines turcica, la cultur cirgiz conteni elementos de influe irani, mongol e rusce.
La area es sirca 198 500 cilometres cuadrida.
Cultur
Manas es la poesia epica nasional. La autora plu famosa de Cirgistan es Chinghiz Aitmatov.
Etnicos
La cirgizes es la etnico la plu grande (72% de la abitores). Otra etnicos inclui rusces (6%) en la norde e uzbeces (14,5%) en la sude. La pais ave plu ca 80 etnicos.
Linguas
Cirgistan es un de la republicas pasada soviet cual ia reteni rusce como un lingua ofisial, estra Cazacstan. En setembre 1991, ance cirgiz ia deveni un lingua ofisial.
Relijio
Islam es la relijio dominante de Cirgistan: 80% de la popla es muslim, 17% segue la Eglesa Ortodox Rusce e segue otra relijios.
This article uses material from the Wikipedia Lingua franca nova article Cirgistan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.