Fútbol: Deporte nel que dos equipos compiten pa meter un balón na portería rival tocándolu colos pies

Ye consideráu'l deporte más popular del mundu, con unos 270 millones de persones involucraes. Xuégase nun campu reutangular, con una meta o portería a ca llau'l campu. L'oxetivu del xuegu ye desplazar una pelota al traviés del campu pa tentar d'allugala dientro de la portería contraria, esa aición nómase gol. L'equipu que marque más goles al cabu'l partíu ye'l que resulta guañador.

Fútbol
[editar datos en Wikidata]

Apartaos de les regles del fútbol:

1. El tarrén de xuegu.
2. El balón.
3. El númberu de xugadores.
4. L'equipación de los xugadores.
5. L'árbitru.
6. Los asistentes del árbitru.
7. La duración del partíu.
8. L'entamu y reentamu del xuegu.
9. El balón en uegu o fuera de xuegu.
10. El gol.
11. El fuera de xuegu.
12. Faltes y sanciones.
13. Tiros llibres.
14. Penaltis.
15. Fuera de banda.
16. Saque de puerta.
17. Saque d'esquina.

Comu resumen, pue dicise:

Nun partíu de fútbol enfréntanse dos equipos formaos por 10 xugadores y un porteru cáun. Dizse qu'un equipu mete un gol cuando'l balón trespasa totalmente la llinia de gol de la portería contraria. L'oxetivu del xuegu ye marcar más goles que'l contrariu.

L'únicu xugador que pue tocar el balón coles manes durante'l xuegu ye'l porteru, siempre y cuando calténgase dientro de la so área (zona próxima a la portería).

El tiempu de xuegu divídese en dos periodos de 45 minutos separtaos por un descansu de 15. Dependiendo de les interrupciones acaecíes a lo llargo del periodu de xuegu l'árbitru pue añader unos minutos en caún de les partes.

• Copa Mundial de Fútbol
• Eurocopa de Fútbol
• Copa d'América de Fútbol

• Lliga de Campeones de la UEFA o Champions League
• UEFA Europa League
• Copa Libertadores

• Primer División d'España o Liga BBVA
• Primer División d'Italia o Calcio
• Primer División d'Inglaterra o Premier League
• Primer División d'Alemaña o Bundesliga

•   Wiki Commons acueye conteníu multimedia sobre Fútbol  .