Un billón ye, na escala numérica llarga, la d'usu habitual n'España y la mayoría de los países d'Europa, un millón de millones, esto ye, 1012.
Nel Sistema Internacional d'Unidaes represéntase col prefixu tera.
Nel sieglu XVII hebo una corriente de matemáticos qu'adoptó'l nome de billion (o'l so equivalente notres llingües) pa referise a una cantidá de mil millones (10⁹), un númberu que los falantes d'otres llingües nomaben millardu (del francés milliard).
Esti ye, anguaño, el significáu que caltién la pallabra nel inglés faláu nos Estaos Xuníos, el portugués faláu en Brasil, el griegu y el turcu, ente más otres llingües. No que cinca al inglés británicu, tardó bien de tiempu n'aceptar el significáu de billion como equivalente a mil millones. Sicasí, por influyencia del inglés d'Estaos Xuníos, a finales de la Segunda Guerra Mundial yá taba espardíu'l so usu, y el gobiernu británicu declaró oficialmente en 1974 qu'esi yera'l so valor, axeitándose asina a l'acepción norteamericana de la pallabra.
Hai que dicir tamién, no que cinca a esta cuestión, que'l billón de la llingua asturiana ye l'equivalente, n'inglés, al trillion, mentantu que n'asturianu un trillón ye un millón de billones.
This article uses material from the Wikipedia Asturianu article Billón, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.