Gemeng Klierf: Lëtzebuergesch Gemeng am Kanton Klierf
D'Gemeng Klierf (fir d'Awunner Cliärref) ass eng vun den 100 lëtzebuergesche Gemengen.
Se läit am Kanton Klierf an de Chef-lieu vun der Gemeng ass d'Stad Klierf vun där se och hiren Numm huet.
| Klierf | |
|---|---|
![Gemeng Klierf: Uertschaften a Lieu-diten an der Gemeng[1], Geschicht, Politik](/wiki/lb/Fichier:Coat_of_arms_clervaux_luxbrg.png) | |
![Gemeng Klierf: Uertschaften a Lieu-diten an der Gemeng[1], Geschicht, Politik](/wiki/lb/Fichier:Clervaux_Castle_6.JPG) d'Klierfer Schlass, Sëtz vun der Gemengeverwaltung | |
| Aussprooch | |
| An anere Sproochen | fr: Clervaux de: Klerf |
| Land | Lëtzebuerg |
| Kanton | Klierf |
| Chef-lieu | Klierf |
| Buergermeeschter | Georges Keipes |
| Awunner | 5.223 |
| 01.01.2018 | |
| Fläch | 8.560,96 ha |
| Héicht | 521 m |
| Koordinaten | 50° 03’ 17’’ N 06° 01’ 46’’ O |
| LAU-Code | LU0501 |
| Websäit | http://www.clervaux.lu/ |
![Gemeng Klierf: Uertschaften a Lieu-diten an der Gemeng[1], Geschicht, Politik](http://upload.wikimedia.org/wikipedia/commons/thumb/d/d2/Wikidata-logo-without-paddings.svg/20px-Wikidata-logo-without-paddings.svg.png){kind=logo} | |
![Gemeng Klierf: Uertschaften a Lieu-diten an der Gemeng[1], Geschicht, Politik](/wiki/lb/Fichier:Map_Clervaux.png) D'Gemeng Klierf (orange) am Kanton Klierf (rout) | |
Uertschaften a Lieu-diten an der Gemeng
Uertschaften an der fréierer Gemeng Klierf:
Uertschaften an der fréierer Gemeng Hengescht:
Uertschaften an der fréierer Gemeng Munzen:
- Draufelt (Drauffelt)
- Maarnech (Marnach)
- Munzen (Munshausen)
- Rueder (Roder)
- Siwwenaler (Siebenaler)
Häff a Lieu-diten an der fréierer Gemeng Klierf:
- Kaaspelt (Kaaspelterhof)
- Kirelshaff (Kirelshof)
- Wirtgensmillen (Wirtgensmühle)
Häff a Lieu-diten an der fréierer Gemeng Hengescht:
- Fossenhaff (Fossenhof)
- Kéisfuert (Kaesfurt)
- Kaalber Millen (Kalborn-Moulin)
- Lausduer (Lausdorn) - deelweis mam Gemeng Wäiswampech gedeelt
- Tëntesmillen (Tintesmühle)
Geschicht
Entwécklung vun der Awunnerzuel virun der Gemengefusioun
![Gemeng Klierf: Uertschaften a Lieu-diten an der Gemeng[1], Geschicht, Politik](http://upload.wikimedia.org/wikipedia/lb/timeline/bzrmu3pde6nedvxkhzbmcyxkgo5ib88.png)
Quell:STATEC
Gemengefusioun 2012
Am Joer 2002 hunn d'Schäfferéit vun de Gemenge Klierf, Hengescht a Munzen sech bei deem deemolegen Inneminister Michel Wolter fir eng méi enk Zesummenaarbecht staark gemaach. De 4. Mee 2006 hunn déi dräi Schäfferéit dem Inneminister hir Absicht matgedeelt fir ze fusionéieren. Doropshi gouf zesumme mam Inneministère en Investitiounsprogramm op d'Bee gesat, deen am Kader vun der Fusioun soll ëmgesat ginn. Et gouf en Informatiounsdokument fir d'Bevëlkerung erstallt, an de Fusiounsprojet gouf de 25. September 2008 a Presenz vum Inneminister Jean-Marie Halsdorf de Leit aus den dräi betraffene Gemengen zu Klierf virgestallt.
Den 12. Oktober 2008 ass an deenen dräi Gemengen e Referendum organiséiert ginn, an dee Referendum ass och zu Gonschte vun där Fusioun ausgaangen. D'Gemengeréit vu Klierf, Hengescht a Munzen hu sech Enn 2008 definitiv fir déi geplangt Fusioun ausgeschwat an hunn enger entspriechender Konventioun mam Lëtzebuerger Staat zougestëmmt. Dës Konventioun gouf de 16. Januar 2009 vun de betraffene Regierungsmemberen ënnerschriwwen.
De 17. Februar 2009 huet den Inneminister de Gesetzesprojet iwwer déi geplangt Fusioun an der Chamber deposéiert. De Staatsrot huet säin Avis den 21. Abrëll 2009 ginn, an d'Gesetz iwwer d'Fusioun vun de Gemenge Klierf, Hengescht a Munzen ass de 7. Mee 2009 eestëmmeg an der Chamber guttgeheescht ginn.
D'Fusioun vun de Gemenge Klierf, Hengescht a Munzen zu enger neier Gemeng mam Numm Gemeng Klierf ass de 5. Dezember 2011 rechtsgülteg gi wéi deen nei gewielte Gemengerot no de Gemengewale vum 9. Oktober 2011 vum Buergermeeschter Emile Eicher vereedegt gouf. De Buergermeeschter an déi dräi Schäffe goufe schonn de 24. November 2011 vum Inneminister Jean-Marie Halsdorf vereedegt a waren domat am Amt.
-
![Gemeng Klierf: Uertschaften a Lieu-diten an der Gemeng[1], Geschicht, Politik](//upload.wikimedia.org/wikipedia/commons/thumb/5/53/Map_Clervaux.PNG/90px-Map_Clervaux.PNG)
Klierf,... -
![Gemeng Klierf: Uertschaften a Lieu-diten an der Gemeng[1], Geschicht, Politik](//upload.wikimedia.org/wikipedia/commons/thumb/f/f6/Map_Heinerscheid.PNG/90px-Map_Heinerscheid.PNG)
Hengescht... -
![Gemeng Klierf: Uertschaften a Lieu-diten an der Gemeng[1], Geschicht, Politik](//upload.wikimedia.org/wikipedia/commons/thumb/c/c6/Map_Munshausen.png/90px-Map_Munshausen.png)
a Munzen... -
![Gemeng Klierf: Uertschaften a Lieu-diten an der Gemeng[1], Geschicht, Politik](//upload.wikimedia.org/wikipedia/commons/thumb/7/77/Map_Clervaux.png/90px-Map_Clervaux.png)
fusionéieren zu Klierf.
![Gemeng Klierf: Uertschaften a Lieu-diten an der Gemeng[1], Geschicht, Politik](/wiki/lb/Fichier:Map_Clervaux.PNG)
![Gemeng Klierf: Uertschaften a Lieu-diten an der Gemeng[1], Geschicht, Politik](/wiki/lb/Fichier:Map_Heinerscheid.PNG)
![Gemeng Klierf: Uertschaften a Lieu-diten an der Gemeng[1], Geschicht, Politik](/wiki/lb/Fichier:Map_Munshausen.png)
Politik
2017 gouf bei de Gemengewalen an der Gemeng Klierf eng éischt Kéier nom Proporzsystem gewielt; de Gemengerot setzt sech aus 11 Conseilleren zesummen.
D'CSV krut dobäi déi absolut Majoritéit a stellt de Schäfferot.
Zesummesetzung
| Joer | ADR | Biergerl. | CSV | DP | gréng | PPL |
|---|---|---|---|---|---|---|
| 2017 | 0 | 1 | 6 | 2 | 2 | 0 |
| 2023 | 1 | 4 | 3 | 2 | 1 | - |
Biergerl.: Biergerlëst Gemeng Cliärref
Quell: elections.lu
Buergermeeschteren
- 1844 - 1846: François Julien Arendt
- ...
- 1862 - ?? : Jacques Ensch
- ...
- 1895 - 1917: Émile Prüm
- 1918 - 1921: Johann Peter Jonas
- 1921 - 1927: Albert Schiltz
- 1927 - 1934: Nicolas Fogen
- 1935 - 1941: Joseph Kratzenberg
- 1945: Georges Wagner
- 1946 - 1963: Jean Peusch
- 1964 - 1969: Georges Wagner
- 1970 - 1975: Bernard Dedoyard
- 1976 - 1987: Michel Wehrhausen
- 1988 - 1999: Aloyse Nosbusch
- 2000 - 11.2005: François Stephany
- 11.2005 - 02.2007: Guillaume Oestreicher
- 02.2007 - 11.2011: Yves Arend (CSV)
- 11.2011 - 06.2023: Emile Eicher (CSV)
- zanter 07.2023: Georges Keipes (Biergerlëst)
Schoulinfrastruktur
D'Kanner vun der Gemeng Klierf ginn an d'Grondschoul zu Reiler.
Kuckeswäertes
- d'Schlass Klierf
- am Schlass d'Ausstellung "The Family of Man", déi vum Edward Steichen zesummegestallt gi war.
- am Schlass de Musée iwwer d'Ardennenoffensiv
- am Schlass d'Maquettë vu Lëtzebuerger Buergen a Schlässer
- d'Benediktinerabtei Klierf
- d'Monument vum Klëppelkrich
- d'Loretokapell zu Klierf
- d'Schlass Ischpelt
- de Fräiliichtmusée "A Robbesscheier"
- d'Parkierch vu Munzen (13. Joerhonnert bis 18. Joerhonnert)
- de Cube 521 zu Maarnech
- Zwou bemierkenswäert Eechen zu Munzen
Interkommunal Syndikater
D'Gemeng Klierf ass Member vu follgenden interkommunale Syndikater:
|
Jumelage
- Horezu a
![Gemeng Klierf: Uertschaften a Lieu-diten an der Gemeng[1], Geschicht, Politik](//upload.wikimedia.org/wikipedia/commons/thumb/7/73/Flag_of_Romania.svg/20px-Flag_of_Romania.svg.png)
Rumänien
![Gemeng Klierf: Uertschaften a Lieu-diten an der Gemeng[1], Geschicht, Politik](/wiki/lb/Fichier:Flag_of_Romania.svg)
Perséinlechkeeten aus der Gemeng Klierf
- Camille Dimmer (*1939), Foussballspiller, Politiker, Naturschützer an Ingenieur,
- Agnès Durdu (*1964), Juristin, Affekotin a Politikerin,
- Emile Eicher (*1955), Politiker,
- Josy Johanns (*1944), Vëlossportler,
- Damien Kratzenberg (1878-1946), Enseignant, Politiker an Unhänger vum Nationalsozialismus,
- Édouard Thilges (18179-1904), Politiker.
Kuckt och
![Gemeng Klierf: Uertschaften a Lieu-diten an der Gemeng[1], Geschicht, Politik](/wiki/lb/Fichier:LUSITANA_WLM_2011_d.svg)
Um Spaweck
| Commons: Klierf – Biller, Videoen oder Audiodateien |
![Gemeng Klierf: Uertschaften a Lieu-diten an der Gemeng[1], Geschicht, Politik](/wiki/lb/Fichier:Commons-logo.svg){kind=logo}
Referenzen
This article uses material from the Wikipedia Lëtzebuergesch article Gemeng Klierf, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Den Text ass ënner der CC BY-SA 4.0 disponibel wann et net anescht uginn ass. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lëtzebuergesch (DUHOCTRUNGQUOC.VN) is an independent company and has no affiliation with Wiki Foundation.