Insula Christi Natalis (Anglice Christmas Island), rite Territorium Christi Natalis Insula, est territorium Australianum in Oceano Indico situm, 2600 chiliometra ad septentriones et occidentem Perthiae, 360 chiliometra ad meridiem Iakartae, capitis Indonesianae, et 975 chiliometra ad orientem-septentriones-orientem Insularum Cocos.
Fines
Forma
Vita
Commemoratio
Sigla
Tabula aut despectus
Numerus habitantium est 1402, qui in nonnullis regionibus habitationis in septentrionali insulae promontorio habitant: Flying Fish Cove (etiam appellatus Kampong), Silver City, Poon Saan, et Drumsite.
Geographica insulae solitudo et historia minimae turbationis humanae multum creavit endemismi inter suam floram et faunam—res quae se biologis et naturalistis magnopere commendat. Circa 63 centesimae terrae insularis sunt Australiae patrium vivarium (Anglice, Australian national park); adsunt praeterea magnae regiones primariae silvae pluvialis. Phosphas, ut corpora mortuorum organismorum marinorum (non guanum, ut multi olim putabant) primum depositum, ex insula multos annos exfossum est.
Exploratores Britannici et Nederlandenses insulam in earum tabulis saeculo septimo decimo ineunte primum posuerunt. Praefectus Gulielmus Mynors in Royal Mary, navi Societatis Britannicae Indiae Orientalis, insulam nominavit cum eam die Christi Natalis anno 1643 praeternavigaret. Tabula Petri Goos, anno 1666 edita, fuit prima quae insulam ostendit; Goos insulam "Mony" appellavit, nomen incertae significationis.
Primus conatus ad insulam explorandam anno 1857 a nautis ex navi Amethyst egressis factus est, qui summam insulam attingere conati sunt, sed rupes eis erant insuperabiles.
Insula Christi Natalis multum scientiae prodest, cum usque ad saeculum undevicensimum ab hominibus inhabitata esset; ergo, multae florae faunaeque species unicae exstant quae se sine interventione humana evolverunt. Duae partes terrae insularis nationalis reservatio? (national park) factae sunt, ab Australian Department of Environment and Heritage per Parks Australia administrata.
Confertae silvae pluviales se in profundis planitiei (Anglice: plateau) solis et in ambulationibus? (terraces) evolverunt. Hae silvae a viginti quinque speciebus arborum regnantur. Pteridophyta, Orchidaceae, et lianae super ramos in atmosphaera humida sub aulaeo silvestri (forest canopy) crescunt. Duodeviginti ex circa 135 speciebus plantarum in nullis aliis locis inveniuntur.
Endemicae Insulae Christi Natalis plantae sunt arbores Arenga listeri, Pandanus elatus, Dendrocnide peltata var. murrayana; frutices Abutilon listeri, Colubrina pedunculata, Grewia insularis, Pandanus christmatensis; lianae Hoya aldrichii et Zehneria alba; herbae Asystasia alba, Dicliptera maclearii, Peperomia rossii; gramina Ischaemum nativitatis; Pteridophytum Asplenium listeri; et Orchidaceae Brachypeza archytas, Flickingeria nativitatis, Phreatia listeri, Zeuxine exilis.
Duae species rattorum endemicorum, Rattus Macleari et Rattus nativitatis, post humanam insulae colonizationem exstinctae factae sunt. Crocidura trichura est inusitata, raro visa, et post medios annos 1980 fortasse iam exstincta; praeterea, Pipistrellus murrayi, parva vespertilionida, in magnum periculum adductus est, et fortasse etiam est exstinctus.
Annua Gecarcoideae natalis migratio (circa 100 000 000 animalium) ad mare ut ova gignant, appellata unum ex miraculis mundi naturalis, quotannis circa Novembrem fit, tempore humido coepto, orbem lunae sequens.
Cancri terrestres et aves marinae sunt insignissima insulae animalia. Viginti describuntur cancri species terrestres et inter aestus viventes, quarum tredecim habentur veri cancri terrestres, qui in mare confidunt solum pro evolutione larvarum. Permulti Birgi latrones in insula habitant.
This article uses material from the Wikipedia Latina article Insula Christi Natalis (Australia), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.