Badenia Et Virtembergia

Caput Virtembergiae et caput Badeniae et Virtembergiae est Stutgardia.

Badenia et Virtembergia

Res apud Vicidata repertae:

terra foederalis Germaniae
Civitas: Germania
Locus:
Nomen officiale: Baden-Württemberg
Situs interretialis

Fines

Procuratio superior: Germania
Territoria finitima: Rhenania et Palatinatus, Bavaria, Hassia, Cisarulana, Turgovia, Scafusa, Turicensis, Argovia, Pagus Basilia rus, Magnus Oriens, Pagus Basilia Urbs, Rhenus Inferior, Rhenus Superior

Forma

Area: 35 751.65 chiliometrum quadratum
Caput: Stutgardia
Subdivisiones: Provincia Friburgum, Provincia Carolsruha, Regierungsbezirk Stuttgart, Provincia Tubinga

Gestio

Praefectus: Winfridus Kretschmann
Consilium: Landtag of Baden-Württemberg

Vita

Incolae: 11 069 533
Zona horaria: UTC+1, UTC+2

Tabula aut despectus

Nonnumquam terra etiam civitas meridionalis et occidentalis appellata est (Südweststaat), vel etiam idiomate locali Ländle, id est terrula.

  Conferatur pagina principalis Terra foederalis (Germania).

Res Publica Foederata Germaniae in Europa Media sita est. Badenia-Virtembergia est una ex sedecim Civitatibus Foederatis, quae per Legem Fundamentalem communiter civitatem foederatam maiestatis formant, at non confoederationem civitatum remissiorem constituunt.

Badenia et Virtembergia in pars austro-occidentalis Germaniae sita est; intra Germaniam versus orientalem et septemtrionalem orientalem civitate foederali Bavaria, versus septemtrionalem Hassia, versus septemtrionalem occidentalem Rhenania et Palatinatus. Civitates vicinae sunt versus occidentalem trans Rhenum Francia cum regione administrativa Magno Oriente, velut versus meridialem Helvetia cum pagis Basilea Urbe, Basilea rure, Argovia, Turico, Scafusa, atque Turgovia. Per Lacum Bodamicum confines cum Helvetico pago Sanctogallo atque cum civitate Austriae Cisarulana sunt.

Badenia et Virtembergia ipsa cum pagis pristinis Alpagauia Clettgauiaque et cum regionibus Waldshusi Brisgoviaque Rheno flumine adiecta est.

Mons altissimus est Feldberg (1 493 m) in nigra silva meridionali locatus.

Geomorphologia

 

Criteriis geologicis et geomorphologicis seperantur regiones quinque Badeniae et Virtembergiae:

• Fossa Rhenana
• Margines montium continuorum cum nigra silva et silva Oden
• Terra gradata austrooccidentalis Germanica
• Alpes Suevicae
• Praealpes

Clima

Clima Badeniae et Virtembergae in zona transitioni locatum est, quo fit ut in regionibus occidentalibus clima ocenanicum, in regionibus orientalibus continentale dominent. Sito meridiali causa clima ceteris regionibus Germanicis calidius est.

Urbes magnae

In Ländle (terra foederali) urbibus novem plus quam 100 000 incolarum sunt:

Urbs	Insigne	Incolarum	Regio	Descriptio brevissima	Imago
Stutgardia		632743	Stutgardia	Caput rei publicae foederalis Germaniae Badeniae et Virtembergiae atque Suebiae; caput pristinum Regni Virtembergiae, ad Nicer flumen situm; intra convallem situm cum vinetis et fontibus mineralibus; centrum societatum autocineticarum (Daimler, Porsche, Bosch); duae universitates.
Carolsruha		311919	Carolsruha/Phorca	Pristinum caput Badeniae, baroca structura (agnomen Carolsruhae oppidum flabelli) iuxta rhenum situm; sedes Iudicii Maximi Foederalis; novem collegia; statio clara technologiae informationis.
Manhemium		307997	Rhenum-Nicer	Urbs quaestuosae industriae mercatoriaque iuxta confluentem Nicer fluminis in rhenum, pristina urbs palantia, urbs pristina baroca cum structura viarum quadrata, universitas Manhemiensis, UNESCO City of Music.
Friburgum Brisgoviae		229636	Friburgum	Universitas studiorum Friburgensis Brisgaudiae; in media silva Hercynia situm, aquis fluvii Dreisam lautum, caelo dicitur frui omnium Germaniae oppidorum tepidissimo, pristinum caput Austriae Anterioris, meridianissima urbs magna Germaniae.
Heidelberga		160601	Rhenum-Nicer	Universitas Ruperto-Carola Heidelbergensis; usque ad 1720 pristina urbs palantia; centrum historicum clarissimum cum castello Heidelbergensi, UNESCO City of Literature.
Ulma		125596	Ulma/Nova Ulma	Ad Danubium atque prope Bavariae finem situm; universitas.
Hailprunna		125113	Stutgardia	Urbs quaestuosae industriae ad Nicer flumen. Non procul ab Hailprunna Neckarsulm cum fabrica autocinetica (Audi).
Phorca		124289	Carolsruha/Phorca	Ad fines silvae negrae prope confluentem fluminum Enz et Nagold; fabricatio ornamentorum horologiorumque.
Reutlinga		115762	Stutgardia	Iuxta Alpes Suevicae (abnobae) locata.

Alia oppida

• Achara (Theodisce: Achern)
• Ediningum (Theodisce: Ettlingen)
• Neulußheim

Discriptio est dupliciter inter provincias et circulos.

Provinciae Badeniae et Virtembergiae

Badeniae et Virtembergiae quattuor provinciae sunt:

• Provincia Carolsruha (Regierungsbezirk Karlsruhe)
• Provincia Friburgum (Regierungsbezirk Freiburg)
• Provincia Tubinga (Regierungsbezirk Tübingen)
• Provincia Stutgardia (Regierungsbezirk Stuttgart)

Circuli terrae et urbani

 

  Conferatur pagina principalis Circulus terrae.

Discriptio Badeniae et Virtembergiae per circulos urbanos, Stadtkreise, atque circulos terrae, Landkreise, designatur.

Circuli urbani sunt novem:

Circuli terrae sunt triginta quinque. Notato, ut quorundam nomen singularibus circulorum urbanorum est vel simile vel aeque:

Olim Austria in regione nonnulla territoria habebat, quae omnia Austria Anterior appellabantur et in quibus religio Catholica Romana fuit, cum in aliis territoriis Virtembergiae religio protestantium fuit. Badenia et Virtembergia die 25 Aprilis 1952 e tribus terris consociata est: Badenia Australi, Virtembergia et Zolnero atque Virtembergia et Badenia.

Factiones regnantes

Primus praeses ministrorum Reinholdus Maier (anno 1952/53 factionis FDP fuit, deinde ad annum 2011 CDU semper regnavit. Sed die 12 Maii primum senatus terrae nuper electus ducem Viridum Winfridum Kretschmann elegit, qui etiam factione SPD adiuvatur.

• Unio Esperantica Badeniae et Virtembergiae
• Regnum Virtembergiae
• Badeniam

Terrae foederales Germaniae

Badenia et Virtembergia · Bavaria · Berolinum · Brandenburgum · Urbs Hanseatica Brema · Hamburgum · Hassia · Megapolis et Pomerania Citerior · Rhenania Septentrionalis et Vestfalia · Rhenania et Palatinatus · Saxonia · Saxonia et Anhaltium · Saxonia Inferior · Slesvicum et Holsatia · Saravia · Thuringia Index regionum · Terrae foederales Germaniae