Baden-Württemberg: Estat federat d'Alemanha

Baden-Württemberg es per son importància demografica e economica lo tresen land d'Alemanha. Sa capitala n'es Stuttgart, vila pus poblada e economicament pus importanta.

Baden-Württemberg

Baden-Württemberg (de)
Bandièra Escut d'armas
Nom oficial	Baden-Württemberg (de)
Entitat	estat federat d'Alemanha
Eponim	Baden e Württemberg
Administracion
Estat	Alemanha
Capitala	Stuttgart
Politica
• Ministre-president	Winfried Kretschmann (2011–)
Organ legislatiu	Landtag de Bade-Wurtemberg
Membre de	Quatres Motors d'Euròpa
Geografia
Coordenadas	48° 32′ N, 9° 02′ E
Superfícia	35 751,65 km²
Banhat per	lac de Constança Ren
Limitròf amb	Renània-Palatinat Canton de Basilèa-Campanha Canton d'Argòvia Grand Èst Canton de Basilèa-Vila Bas Ren Canton de Zuric Canton de Turgòvia Bavièra Canton de Schaffhausen Èssa Vorarlberg Naut Ren
Altitud mejana	327 m
Punt culminant	Feldberg (1 493 m)
Fus orari	UTC+01:00 (ora estandard) UTC+02:00 (ora d'estiu)
Demografia
• Totala	11 069 533 ab. (31 de decembre de 2018 )
• Densitat	309,62 ab./km²
Istòria
Anterior	Baden, Württemberg-Baden e Württemberg-Hohenzollern
Autras informacions
ISO 3166-2	DE-BW
Embessonatges	prefectura de Kanagawa (1989–)
Sit web	baden-wuerttemberg.de

Los luòcs toristics pus coneguts son la Selva negra (Schwarzwald), lo lac de Constança (Bodensee), lo Jura soab (Schwäbische Alb), las clastras de Maulbronn e las vilas de Heidelberg, Stuttgart, Karlsruhe, Friborg de Brisgau, Baden-Baden, Offenburg, Tübingen, Ulm e Constança.

Bade-Wurtemberg confronta França e Soïssa. En Alemanha, confronta los Länder de Renània-Palatinat, de Èssa e Bavièra.

En Baden-Württemberg, los valdeses originaris d’Occitània cisalpina (actualament sota dominacion italiana) e del Dalfinat (Cairàs) s’installèron tre lo segle 17. Foguèron diches iganauds coma aicí o coma ailà welch o waldenser que significa tot ce qu’es d’origina neo latina. Los occitans de las valadas si repartiguèron entre comunas nòvas que creèron (comunas d’origina occitana solida) e d’autras vilas fondaas per d’uganauds franceses, francoprovençals o demièg las vilas alemandas existentas. D’unes temptèron de tornar dins lor vilas d’originas, foguèt sonat “La Gloriosa rentraa” mas trobèron pas que devastacion. Avèm las traças toponimicas occitanas qualques exemples (equivalent en francés, italian, alemand), Peirosa (Perosa Argentina It., Perouse Al.), Li Vialars (Villar Perosa It.), Pinascha (Pinasca It., Pinache Al.), Serres, Corres, Grosvillar, Borcet (Bourset Fr., Neuhengstett Al.)... L’airal es situit al nòrd oèst de Stuttgart. Si serviguèron del francés coma lenga liturgica e de l’occitan coma lenga familiala. Los toponimes correspònden als vilas/vilatges/vialars d’ont venion, principalament de las valaas occitanas cisalpinas nodencas coma la Val Pelíç, Germanasca e Clhuson.

• Estudi (en alemand) deu parlar vaudés de Borcet / Neu-Hengstett