C'l artìcul chè 'l è scrit in Miranduléś
Al Baden-Württemberg (Baade-Wiirdebäärg in Alemàn, a s lèś [ˌbaːdn̩ ˈvʏʁtəmbɛʁk] in tedésc) l'è na regiòṅ dla Germàgna, la tèrsa più granda dal paéś anc par l'ecunumìa, ch'la s cata in dal sud-ovest dal stat.
La sò capitàla l'è Stucàrda cun Mannheim, Karlsruhe, Fribûrg e Ulma atri sità impurtànti. La cunfìna cun la Śvisra a sud, la Frància a òvest e al regiòṅ tedéschi dla Renàgna Palatinâ (òvest), Bavéra (est) e Àsia (nòrd).
Al stat al nas in dal 1952 dòp un referendum ch'l à mis insém i stat stòric dal Baden cun qvél dal Württemberg. Prima i gh 'n éran tri (Württemberg-Baden, Württemberg-Hohenzollern e Baden), sóta 'l cuntròl di Stat Unî e dla Frància a séguit dla fiṅ dla secónda guèra mundiàla. Al gh'à 25 sircundàri e nóṿ sità fóra sircundàri.
In tut la mùcia sù da piò ad déś migliòṅ 'd abitànt e na superfìsi ad 35.750 km².
Al presidènt dal stat 'l è Winfried Kretschmann di Vérd.
Persunàǵ famóś ligâ a 'l Baden-Württemberg i èṅ Albert Einstein, Carl Benz, Georg Wilhelm Friedrich Hegel, Johannes Kepler e Joschka Fischer.
This article uses material from the Wikipedia Emiliàn e rumagnòl article Baden-Württemberg, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Emiliàn e rumagnòl (DUHOCTRUNGQUOC.VN) is an independent company and has no affiliation with Wiki Foundation.