Allāh

est vocabulum Arabicum quod Deum significat. Huic vocabulo sunt cognata in aliis linguis Semiticis, inter quas Elah in lingua Aramaica, ʾĒl in linguis Canaanitis, et Elohim in lingua Hebraica.

Vocabulum praecipue a Musulmanis ad Deum significandum adhibetur, sed a Christianis Arabicis ex temporibus prae-Islamicis olim adhibebatur. Saepe, sed non semper, a Bábistis, Bahá'ístis, Indonesiis, Melitensibus Christianis, et Iudaeis Mizrahis adhibetur. Christiani et Sikhs in Malaesia Occidentali hoc verbum utuntur et usi sunt ad Deum attingendum. Quod controversias civiles et legitimas ibi effecit, quia leges in Malaesia Occidentali non Islamicos vocabuli usus vetat.

Vocabulum Allāh derivatur a synalepha al-, articuli definitivi Arabici, et ilāh 'deitas, deus' ad al-lāh 'deitas solus, Deus' (Graece ὁ θεὸς μόνος). Verba cognata nominis Allāh in aliis linguis Semiticis inveniuntur, inter quas Hebraica et Aramaica. Forma Aramaica Allāh congruens est Elah (lingua Hebraica archaica אלה), sed suus status gravis est Elaha (lingua Hebraica archaica אלהא). Scribitur Aramaice ܐܠܗܐ ʼĔlāhā in lingua Aramaica biblica et ܐܲܠܵܗܵܐ ʼAlâhâ in Syriaca ut ab Ecclesia Assyriana adhibetur, ambo simpliciter 'Deus' significantibus. Lingua Hebraica biblica Elohim (lingua Hebraica archaica אלהים), forma plurali plerumque utitur, sed Eloah (lingua Hebraica archaica אלוהּ), forma singulari, rarius utitur. In scriptura Sic titulo Guru Granth Sahib vocabulum Allah (Paniabice ਅਲਹੁ seu ਅਲਾਹ) tricies septies adhibetur.

Olim adhibebatur nomen a Meccanis paganis ad attingendum deitatem creatorem, fortasse deitatem supremam in Arabia prae-Islamica. Notiones cum vocabulo Allah (ut deitas) consociatas inter traditiones religiosas variant. In Arabia prae-Islamica apud Arabes paganos, Allah divinitas sola non habebatur, quia ei erant comites, filii, filiae—notio per rationem Islamizationis deleta. In Islam, nomen Allah est nomen supremum et amplissimum, et creduntur alia nomina divina ad Allah attingere. Allah est unica et sola deitas, creator universi, omnipotens. Christiani Arabici hodie nominibus sicut Allāh al-Ab (الله الأب 'Deus Pater') utuntur ad usum Christianum et usum Musulmanum distinguendos. Sunt similitudines et discrepantiae inter notionem Dei ut in Alcorano et notionem Dei ut in Biblia Hebraica depingitur.

In aliis scriptis et linguis

Allāh in aliis linguis quae scripto Arabico utuntur identidem scribitur. Inter has linguas sunt Urdu, Persica/Dari, et Uyghur.

• Graece Αλλάχ
• Hebraice אללה Allah
• Hindi अल्लाह Allāh
• Hispanice et Portugalice Alá
• Lingua Thai อัลลอฮ์ Anláw
• Punjabi (Gurmukhi): ਅੱਲਾਹ Allāh, archaicum ਅਲਹੁ Alahu (in scripturis Sichis)
• Turcice: Allah

• Lewis, Bernard, P. M. Holt, R. Peter Lambton, et Ann Katherine Swynford. 1977. The Cambridge History of Islam. Cantabrigiae: Cambridge University Press. ISBN 9780521291354l.
• The Unicode Consortium. 2006. Unicode Standard 5.0. Addison-Wesley. ISBN 9780321480910. De libro.

Vide Allāh apud Vicifontem.

Vicicitatio habet citationes quae ad Allāh spectant.

Vicimedia Communia plura habent quae ad Allah in calligraphia spectant.

• Names of Allah with Meaning on Website, Flash, and Mobile Phone Software
• Concept of God (Allah) in Islam
• Omar, Abdul Mannan. The Concept of Allāh According to the Qur'an.
• Allah, the Unique Name of God

Typographia

• Arabic Fonts and Mac OS X
• Programs for Arabic in Mac OS X