Монтан Ив

1921, Италия, Монсуммано-Терме шаары – 9.11. 1991, Франция, Санлис) – француз шансон ырчы жана актёр. 1923-жылы ата-энеси Францияга көчүп келгенетикалыкАдегенде кинотеатрларда, клубдарда, мюзик-холлдордо ырдаган. 1944-жылы Эдит Пиаф менен таанышып, Эдит Пиаф Монтандын устаты болуп калат (1949-жылы чейин). Монтан шансон ырчы катары Л. Арагон, П. Элюар, Ж. Превер жана башкалар. акындардын поэзиясына, о. эле актуалдуу саясий темаларга кайрылган. Монтан сахнада талантын аягына чейин ачып көрсөтө алган аткаруучу катары белгилүү. Акыркы концерттери 1981-жылы Париждеги «Олимпия» залында өткөн. Актёр катары коркунучтардан коркпогон демократиялык каармандын образын түзгөн. 1946-жылы Монтан Карненин «Түн дарбазасы» фильминде башкы ролду аткарган. 1960–70-жылдарда Коста-Гаврастын жана Клод Сотенин фильмдеринде Монтандын актёрдук таланты кеңири ачылган. Европада, Америкада да киного тартылган («Кел сүйлөшөлү» фильминде Мэрилин Монро менен бирге). Монтан СССРде өзгөчө белгилүү болгон. Б. Мокроусовдун Я. Хелемскийдин сөзүнө жазылып, М. Бернес аткарган «Алыстагы дос ырдаганда» ыры Монтанга арналган.

• “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111 -7