Караважо Меризи да Караважо Микеланжело (28.
9. 1573- 18. 7. 1610) - италиянын живописчиси.
1584-ж. Миланда С. Петерцанодон таалим алган. Алгачкы жанрдык картиналары («Төлгөчү аял», Лувр; «Лютначы», 1595, Эрмитаж), диний жана мифологиялык композициялары («Вакх», Уффици; «Магдалина», Дориа гал., Рим), «Жемиш салынган чабыра» натюрморту (Амброзиана гал., Милан) терең демократтык реализми, тактыгы жана композициясынын пластикалуулугу менен көңүлдү бурган.
Ыйык Матфей өмүрүнөн алынган полотно циклинде (1597- 1600, Сан-Луижиден Франчези чиркөөсү, Рим), «Табытка салуу» (1604, Ватикан, Рим) сүрөтүндө жөнөкөйлүккө жана күчтүү драматизмгө жетишкен.
Караважонун чыгармалары чечкиндүүлүгү, жаратылыштан үйрөнүүгө чакырган ынтызарлыгы менен 17-кылымда европанын сүрөт өнөрүндө реалисттик багытка жол ачып, анын новаторлугу кийинки муунга зор таасир тийгизген.
Италия ж. б. өлкөлөрдө анын көптөгөн жолдоочулары («караважисттер») болгон.
Кыргыз Совет Энциклопедиясы. Башкы редактор Б. О. Орузбаева. -Фрунзе: Кыргыз Совет Энциклопедиясынын башкы редакциясы, 1978. Том 3. Ирик - Лактар. -640 б.
This article uses material from the Wikipedia Кыргызча article Караважо, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башкача белгиленбесе, мазмун CC BY-SA 4.0 лицензиясына ылайык жеткиликтүү. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Кыргызча (DUHOCTRUNGQUOC.VN) is an independent company and has no affiliation with Wiki Foundation.