Выль Во

Водзынсӧ мирын олысь войтырлӧн Выль во пансьылӧма тулысын либӧ арын, а та вылӧ тӧдчӧма тӧлысь либӧ шонді серти оласног. Миян нэмӧдз 45-ӧд воын римса император Юлий Цезарь вуджӧдӧма Выль восӧ тӧвшӧр тӧлысь 1-дза лунӧ.

Важ Рочмуын во заводитчӧмсӧ пасйӧмаӧсь рака тӧлысьын, кор тулыс вайӧ аскӧдыс шонді, шоныд да бур урожай вылӧ лача.

Кор Русь 10 нэм помын пыртчӧ Кристос эскӧмӧ, Выль во пондӧны пасйыны византияса календар серти арнас — кӧч тӧлысь ӧтиӧд лунсянь.

1699 воын Пётр I сетӧ индӧд выльвоасьны Европаса странаясын моз тӧвшӧр тӧлысь 1-дза лунӧ. Россияын кӧ сэки виччысисны нин мир артмӧмсянь 7207 во, то Европаын 1699 во Иисус Кристос чужӧмсянь.

Сідзжӧ император тшӧктӧ мичмӧдны керкаяссӧ пожӧм да коз увъясӧн, чолӧмавны да козьнавны рӧдвужсӧ да тӧдсаяссӧ, гажӧдчыны войшӧр каднас бипур гӧгӧр.

Кристос эскӧмӧ пырттӧдз комияс олісны вӧралан календар серти, кӧні тӧдчӧдӧма кутшӧм кадӧ позьӧ кыйны-вийны дона куа вӧрса пемӧсъясӧс. Тайӧ календарыс важӧн петіс олӧмсьыс, и ӧні комияс, кыдзи и мукӧд войтыр, пасйӧны Выль восӧ тӧвшӧр ӧтиӧд лунӧ.

Во йылысь эм коми нӧдкыв: Кузь-кузь пу, дас кык йӧзви, нёль ув и сизим коль. (Во, тӧлысь, вежон, лун).

Выль во Важ Месопотамияын

Важ Месопотамияын вöлi пасйӧны Выль во тӧлысь чужӧм лунӧ тувсов ӧткузя луна-воя (Рака тӧлысь 21-ӧд лун) бӧрын . Важ Месопотамияын вöлi вӧчӧны Акиту - Загмук - Sacaea Выль во фестиваль Выль во водзвылын али бӧрын .

• Шумер: 𒀉𒆠𒋾 /A2.KI.TI/ , Аккад: 𒀉𒆠𒌈 /A2.KI.TUM/ - "Акиту" Важ Месопотамия Выль во ид фестиваль.

• Шумер: 𒍠𒈬 /ZAG.MU/ - "Загмук" Важ Месопотамия Выль во фестиваль.

• Коми календар. 2009 во / Дасьтіс Ӧльӧш Рассыхаев. — Сыктывкар, 2008.