ახალი წანა
ახალი წანა — ბორჯი ვარ-და დღა, მუჟანსჷთ იჭყაფუ კალენდარული წანა დო კალენდარული თარიღი იძინანს ართ ართულით.
ანდა კულტურა ზეიმენს შხვადოშხვანერო. დღახუ ანდა კულტურას აკანურო ეჭოფილი კალენდარიშ მეჯინათ, ნამუთ მუნმურს წანაშ ეკონია დღაშენო მუმალი წანაშ პირველ დღაშა გჷნულაშ შვანს. ასეშო არძაშე ფართოთ გჷმორინაფილკი კალენდარული სისტემათ, გრიგორიანული კალენდარიშ მეჯინათ ახალი წანა მუნმურს პირველ ღურთუთას.
| ახალი წანა | |
|---|---|
 | |
| ნოჯიშ ჯა, გონწყილი რე მარწკინაია ფერამი მასინთეეფით, ჭითა გურეფით დო ჩე ქარღადიშ ფუთქურეფით. | |
| ტიპი | საირქიანო ზეიმი |
| შანულობა | ახალი წანა - მინმალი წანა (მუმალი) |
| იშინუანა | ედომუშამ მოსოფელს |
| თარიღი | გრიგორიანულ კალენდარიშ მეჯინათ წანაშ მაართა დღა (1 ღურთუთა) |
| ზეიმობა | ფეიერვერკეფი, ფანიეფს შუმ-ჭკომი, ართუაფა |
| მერსხილი რე | ქირსე, ჯვეშით ახალ წანა |
საინტერესო ფაქტეფი
- 1930–ამ წანეფს, ოფიციალური სხუნუეფიშ იდეოლოგია ლჷმენდ ჯვეში ტრადიციეფიშ მეხჷ დო შილებე, თენა ნოჯიშ ჯასჷთ ქოწაწაფუდუკონ. ათეშენ, ნამთინე ადამიერი, ნოჯიშ ჯაშ ოღალარო გიმირინუანდჷ კონტრაბასიშ ფუტლარს, თი არჷზით ნამჷ-და დუთხილუდუკო უბადო თოლშე ჯაშ მუში ჸუდეშა მინოღალა.
- ოსათე ორტყაფუეფიშ მეჯინათ, ახალი წანაშ ეშანუა მაართაშე ირო იჭყაფჷ რჩქალი ოკიანეს, კირიბატიშ კოკეფს. ეკონიეფი, ნამუეფით ჯვეშ წანას აზარენან კჷნ რჩქალ ოკიანეს მადვალი კოკი მიდუეიშ მახორუეფი რენა.
- კანკალე ქიანა ახალ წანას თუთაშ კალენდარიშ მეჯინათ ეთმეშანენს.
- ჯვეშ რომს თე დღა ეძღვინებუდჷ იანუსის — გიშაგორუაშ, კარეფიშ დო ირი დაჭყაფურიშ ღორონთის. ღურთუთაქ ჯოხოდვალა წორას იანუსიშ პატიოცემელო მიღჷ, ნამუსჷთ გჷმოხანტუნდეს ჟირი სახეთ: ართი წჷმი იჯინედჷ, მაჟირა — უკახალე.
სქოლიო
 | ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |
This article uses material from the Wikipedia მარგალური (Margaluri) article ახალი წანა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.