ಕಲ್ಯಂಪುಡಿ ರಾಧಾಕೃಷ್ಣ ರಾವ್ ಅವರು ಒಬ್ಬ ಭಾರತೀಯ - ಅಮೇರಿಕನ್ ಗಣಿತಜ್ಞ ಮತ್ತು ಸಂಖ್ಯಾಶಾಸ್ತ್ರಜ್ಞ.
ಅವರು ಪೆನ್ಸಿಲ್ವೇನಿಯಾ ಸ್ಟೇಟ್ ಯುನಿವರ್ಸಿಟಿಯಲ್ಲಿ ಪ್ರಾಧ್ಯಾಪಕರಾಗಿದ್ದರು ಮತ್ತು ಬಫಲೋ ವಿಶ್ವವಿದ್ಯಾಲಯದ ಸಂಶೋಧನಾ ಪ್ರಾಧ್ಯಾಪಕರಾಗಿದ್ದರು. ರಾವ್ ಅವರನ್ನು ಹಲವು ಕೊಲೊಕ್ವಿಯಾ, ಗೌರವಾನ್ವಿತ ಪದವಿಗಳು ಮತ್ತು ಉತ್ಕೃಷ್ಟತೆಗಳಿಂದ ಗೌರವಿಸಲಾಗಿದೆ ಮತ್ತು ೨೦೦೨ ರಲ್ಲಿ ಯುಎಸ್ ನ್ಯಾಷನಲ್ ಮೆಡಲ್ ಆಫ್ ಸೈನ್ಸ್ ಪ್ರಶಸ್ತಿಯನ್ನು ಪಡೆದರು. ದಿ ಟೈಮ್ಸ್‌ ಆಫ್ ಇಂಡಿಯಾ ವು ಟಾಪ್ ಹತ್ತು ವಿಜ್ಞಾನಿಗಳಲ್ಲಿ ರಾವ್ ರವರೂ ಒಬ್ಬರು ಎಂದು ಪಟ್ಟಿ ಮಾಡಿದೆ. ದಕ್ಷಿಣ ಏಷ್ಯಾದ ಹೃದಯರಕ್ತನಾಳದ ಕಾಯಿಲೆಯ ಅರಿವು ಮೂಡಿಸಲು ಕೇಂದ್ರೀಕರಿಸಿದ ಇಂಡಿಯನ್ ಹಾರ್ಟ್ ಅಸೋಸಿಯೇಷನ್ ನ ಹಿರಿಯ ನೀತಿ ಮತ್ತು ಅಂಕಿಅಂಶಗಳ ಸಲಹೆಗಾರರು ಸಿ.ಆರ್.ರಾವ್.
| ಸಿ.ಆರ್.ರಾವ್ | |
|---|---|
.JPG) ಪ್ರೊ.ರಾವ್ ರವರು ಇಂಡಿಯನ್ ಸ್ಟ್ಯಾಟಿಸ್ಟಿಕಲ್ ಇನ್ಸ್ಟಿಟ್ಯೂಟ್, ಚೆನ್ನೈ-ಎಪ್ರಿಲ್ ೨೦೧೨ | |
| ಜನನ | ೧೦ ಸೆಪ್ಟೆಂಬರ್ ೧೯೨೦ ಕರ್ನಾಟಕ, ಮೈಸೂರು, ಬ್ರಿಟಿಷ್ ಇಂಡಿಯಾ |
| ಮರಣ | 22 August 2023 (aged 102) |
| ವಾಸಸ್ಥಳ | ಭಾರತ, ಯುನೈಟೆಡ್ ಕಿಂಗ್ಡಮ್, ಯುನೈಟೆಡ್ ಸ್ಟೇಟ್ಸ್ |
| ಪೌರತ್ವ | ಯುನೈಟೆಡ್ ಸ್ಟೇಟ್ಸ್ |
| ಕಾರ್ಯಕ್ಷೇತ್ರ | ಗಣಿತಶಾಸ್ತ್ರ ಮತ್ತು ಅಂಕಿಅಂಶ |
| ಸಂಸ್ಥೆಗಳು | ಇಂಡಿಯನ್ ಸ್ಟ್ಯಾಟಿಸ್ಟಿಕಲ್ ಇನ್ಸ್ಟಿಟ್ಯೂಟ್ ಕೇಂಬ್ರಿಡ್ಜ್ ಪೆನ್ಸಿಲ್ವೇನಿಯಾ ಸ್ಟೇಟ್ ಯುನಿವರ್ಸಿಟಿ ಬಫೆಲೋ ಯುನಿವರ್ಸಿಟಿ |
| ಅಭ್ಯಸಿಸಿದ ವಿದ್ಯಾಪೀಠ | ಆಂಧ್ರ ಯುನಿವರ್ಸಿಟಿ ಯುನಿವರ್ಸಿಟಿ ಆಫ್ ಕಲ್ಕತ್ತಾ ಕಿಂಗ್ಸ್ ಕಾಲೇಜ್,ಕೇಂಬ್ರಿಡ್ಜ್ |
| ಮಹಾಪ್ರಬಂಧ | ಸ್ಟ್ಯಾಟಿಸ್ಟಿಕಲ್ ಪ್ರಾಬ್ಲಮ್ಸ್ ಆಫ್ ಬಯೊಲಾಜಿಕಲ್ ಕ್ಲಾಸಿಫಿಕೇಷನ್ (೧೯೪೮) |
| ಡಾಕ್ಟರೇಟ್ ಸಲಹೆಗಾರರು | ರೊನಾಲ್ಡ್ ಫಿಶರ್ |
| ಪ್ರಸಿದ್ಧಿಗೆ ಕಾರಣ | ಕ್ರಾಮರ್ ರಾವ್ ಬೌಂಡ್ ರಾವ್ ಬ್ಲ್ಯಾಕ್ ವೆಲ್ ಥಿಯರಂ ಆರ್ಥೊಗೋನಲ್ ಅರೇಸ್ ಸ್ಕೋರ್ ಟೆಸ್ಟ್ |
| ಗಮನಾರ್ಹ ಪ್ರಶಸ್ತಿಗಳು | ಪದ್ಮವಿಭೂಷಣ ನ್ಯಾಷನಲ್ ಮೆಡಲ್ ಆಫ್ ಸೈನ್ಸ್(೨೦೦೧) ಶಾಂತಿ ಸ್ವರೂಪ್ ಭಟ್ನಗರ್ ಪ್ರೈಸ್ ಫಾರ್ ಸೈನ್ಸ್ ಅಂಡ್ ಟೆಕ್ನಾಲಜಿ ಗಯ್ ಮೆಡಲ್(ಬೆಳ್ಳಿ ೧೯೬೫, ಚಿನ್ನ ೨೦೧೧) |
ಸಿ.ಆರ್.ರಾವ್ ರವರು ಕರ್ನಾಟಕದ ಬಳ್ಳಾರಿ,ಹೂವಿನ ಹಡಗಲಿ ಎಂಬ ಊರಿನಲ್ಲಿ ೧೦ ಸೆಪ್ಟೆಂಬರ್ ೧೯೨೦ ರಂದು ತೆಲುಗು ಮಾತನಾಡುವ ಕುಟುಂಬದಲ್ಲಿ ಜನಿಸಿದರು ಮತ್ತು ಅವರು ಹತ್ತು ಮಕ್ಕಳ ಪೈಕಿನಲ್ಲಿ ಎರಡನೆಯವರು.
ರಾವ್ ಅವರು ೧೯೪೩ ರಲ್ಲಿ ಆಂಧ್ರ ವಿಶ್ವವಿದ್ಯಾಲಯದಿಂದ ಗಣಿತಶಾಸ್ತ್ರದಲ್ಲಿ ಎಂ.ಎಸ್ಸಿ. ಮತ್ತು ಕಲ್ಕತ್ತಾ ಯುನಿವರ್ಸಿಟಿಯಲ್ಲಿ ಎಮ್.ಎ ಪದವಿಯನ್ನು ಪಡೆದರು. ೧೯೪೮ ರಲ್ಲಿ ಆರ್.ಎ.ಫಿಶರ್ ಅವರ ನೇತೃತ್ವದಲ್ಲಿ ಕೇಂಬ್ರಿಡ್ಜ್ ವಿಶ್ವವಿದ್ಯಾನಿಲಯದ ಕಿಂಗ್ಸ್ ಕಾಲೇಜಿನಲ್ಲಿ ಪಿ.ಹೆಚ್.ಡಿ ಪದವಿಯನ್ನು ಪಡೆದರು. ೧೯೬೫ ರಲ್ಲಿ ಕೇಂಬ್ರಿಡ್ಜ್ ನಿಂದ ಇವರು ಎಸ್ಸಿ.ಡಿ ಪದವಿಯನ್ನು ಪಡೆದರು.
ರಾವ್ ರವರು ಇಂಡಿಯನ್ ಸ್ಟ್ಯಾಟಿಸ್ಟಿಕಲ್ ಇನ್ಸ್ಟಿಟ್ಯೂಟ್ ಮತ್ತು ಕೇಂಬ್ರಿಡ್ಜ್ ನ ಮಾನವಶಾಸ್ತ್ರದ ಮ್ಯೂಸಿಯಂನಲ್ಲಿ ಕೆಲಸ ಮಾಡಿದ್ದು ಇಂಡಿಯನ್ ಸ್ಟ್ಯಾಟಿಸ್ಟಿಕಲ್ ಇನ್ಸ್ಟಿಟ್ಯೂಟ್ ನ ನಿರ್ದೇಶಕ, ಜವಹರಲಾಲ್ ನೆಹರೂ ಪ್ರಾಧ್ಯಾಪಕ ಮತ್ತು ಭಾರತದ ರಾಷ್ಟ್ರೀಯ ಪ್ರೊಫೆಸರ್, ಪಿಟ್ಸ್‌ಬರ್ಗ್ ವಿಶ್ವವಿದ್ಯಾನಿಲಯದ ಪ್ರಾಧ್ಯಾಪಕ ಮತ್ತು ಅಂಕಿಅಂಶಗಳ ಅಧ್ಯಕ್ಷರು ಪೆನ್ಸಿಲ್ವೇನಿಯಾ ಸ್ಟೇಟ್ ಯುನಿವರ್ಸಿಟಿಯ ಮಲ್ಟಿವೇರಿಯೇಟ್ ಅನಾಲಿಸಿಸ್ ಕೇಂದ್ರದ ನಿರ್ದೇಶಕರಾಗಿದ್ದು ಹೀಗೆ ಇವರು ಹಲವಾರು ಪ್ರಮುಖ ಸ್ಥಾನಗಳನ್ನು ಹೊಂದಿದ್ದರು. ರಾವ್ ಅವರ ಶಿಫಾರಿಸ್ಸಿನ ಆಧಾರದ ಮೇಲೆ , ಎಎಸ್ಐ(ದ ಏಷಿಯನ್ ಸ್ಟ್ಯಾಟಿಸ್ಟಿಕಲ್ ಇನ್ಸ್ಟಿಟ್ಯೂಟ್) ಈಗ ಕರೆಯಲ್ಪಡುವ ಸ್ಟ್ಯಾಟಿಸ್ಟಿಕಲ್ ಇನ್ಸ್ಟಿಟ್ಯೂಟ್ ಫಾರ್ ಏಷಿಯಾ ಅಂಡ್ ಫೆಸಿಫಿಕ್ ಎಂಬುದು ಸರ್ಕಾರ ಮತ್ತು ಕೈಗಾರಿಕಾ ಸಂಸ್ಥೆಗಳಲ್ಲಿ ಕೆಲಸ ಮಾಡುವ ಸಂಖ್ಯಾಶಾಸ್ತ್ರಜ್ಞರಿಗೆ ತರಬೇತಿ ನೀಡಲು ಸ್ಥಾಪನೆಯಾಯಿತು.
This article uses material from the Wikipedia ಕನ್ನಡ article ಸಿ.ಆರ್.ರಾವ್, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ವಿಶೇಷವಾಗಿ ಟಿಪ್ಪಣಿ ಮಾಡದಿದ್ದ ಹೊರತು ಪಠ್ಯ "CC BY-SA 4.0" ರಡಿ ಲಭ್ಯವಿದೆ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ಕನ್ನಡ (DUHOCTRUNGQUOC.VN) is an independent company and has no affiliation with Wiki Foundation.
