អាអ៊ូហ្គូស្ធីនូស នៃ ហុីបផូ ឬ លោកគ្រូអហ្គស្ទីន ឬ សន្តអូគូស្តាំង ជាទស្សនវិទូគ្រីស្តសាសនាដ៏សំខាន់ ជាទេវវិទូ និងជាឥស្សរជនឆ្នើមក្នុងការផ្លាស់ប្ដូរពីទស្សនវិជ្ជាពាហិរសាសនាទៅកាន់តស្សនវិជ្ជាគ្រីស្តសាសនាជាក់លាក់។
អាអ៊ូហ្គូស្ធីនូស នៃ ហុីបផូ | |
---|---|
កើត | ៣៥៤ ក្រុងតាកាស |
ស្លាប់ | ៤៣០ ក្រុងហិប្ប៉ូ |
ឈ្មោះផ្សេងទៀត | សន្តអូគូស្តាំង |
អាជីព | ទស្សនវិទូគ្រីស្តសាសន |
ត្រូវបានគេស្គាល់ថា | ព្រះត្រែឯកដ៏បរិសុទ្ធ |
ផ្នែកជាបន្តបន្ទាប់នៃ ព្រះគ្រិស្តសាសនា |
ព្រះយេស៊ូ |
ព្រះធម៌ គម្ពីរសញ្ញាចាស់ |
ទេវវិទ្យា ព្រះ |
ប្រវត្តិសាស្រ្ត |
និកាយា |
អាអ៊ូហ្គូស្ទីន កើតនៅក្រុងតាកាស ទ្វីបអាហ្រ្វិក ហើយទទួលមរណភាពនៅក្រុងហុីបផូ។ ឪពុករបស់លោកឈ្មោះ ប៉ាទ្រីឈិអុស ដែលជាជនក្រៅសាសន៍ រីឯម្តាយរបស់លោកគឺ សន្តីម៉ូនីក ដែលជាគ្រិស្តបរិស័ទ។ លោកទទួលការសិក្សាតាមរបៀបគ្រីស្តបរិស័ទយ៉ាងល្អ។ លោកជានិស្សិតខាងច្បាប់នៅក្រុងកាតេច។ ដំបូងលោកជឿលើក្រុមវង្វេងជំនឿ ម៉ានិឈាន ហើយបង្រៀនវិជ្ជាវោហាសាស្ត្រនៅទីក្រុង មិឡាន ជាកន្លែងដែលលោកបានកែប្រែចិត្តគំនិត ដោយ សន្តអំប៊្រាស ។
ពេលត្រឡប់ទៅ ក្រុងតាកាស លោកបានចែករបស់របរឲ្យជនក្រីក្រ ហើយទទួលការតែងតាំងជាបូជាចារ្យ ក្រោយមកទទួលការតែងតាំងជាលោកអភិបាល ក្រុងហិប្ប៉ូ ពេលមានអាយុ ៤១ ឆ្នាំ។ លោកក្លាយទៅជាអ្នកបំភ្លឺព្រះសហគមន៍នៅទ្វីបអាហ្វ្រិក។ លោកជាម្នាក់ក្នុងចំណោមអ្នកបង្កើតក្រុមបព្វជិតដ៏ល្បីល្បាញ ៤ នាក់ និងជាគ្រូបាធ្យាយរបស់ព្រះសហគមន៍។
ការរួមចំណែករបស់លោក អាអ៊ូហ្គូស្ធីនូស ចំពោះទេវវិជ្ជាមានច្រើនណាស់ក្នុងប្រវត្តិសាស្ត្រទេវវិជ្ជា។
លោកជាអ្នកការពាររឿងដំណឺងល្អរបស់ព្រះគ្រីស្តជាព្រះគុណឥតគិតថ្លៃពីក្រុមខុសឆ្គងជាច្រើន។
សៀភៅរបស់លោក អាអ៊ូហ្គូស្ធីនូស ដែលមានចំណងជើងថា « ព្រះត្រៃឯកដ៏បរិសុទ្ធ » គឺជាស្នាដៃនៅក្នុងទេវសាស្ត្រដ៏ឆ្នើម។ នៅក្នុងឯកសារនេះលោកបានឃើញព្រះដែលមានចែងនៅក្នុងព្រះគម្ពីរថាជាព្រះត្រៃឯក ដ៏អស់កល្ប ដ៏មហិមា ដ៏ឥតខ្ចោះ និងគ្រប់លក្ខណ៌។
នៅក្នុងសំណេររបស់លោកដែលមានចំណងជើង « ទីក្រុងរបស់ព្រះ » បានចាក់ឫសនៅក្នុងជំនឿលើអធិបតេយ្យភាពរបស់ព្រះនិងគុណូបការរបស់ព្រះអង្គជាដើម ដែលគេបានអះអាងថារបៀបដែលគ្រីស្តបរិស័ទមានទស្សនទានចំពោះប្រវត្តិសាស្ត្រ។
ទស្សនវិជ្ជារបស់ អាអ៊ូហ្គស្ធិនូស ជានិច្ចកាលបម្រើឲ្យទេវវិជ្ជារបស់លោក ថ្វីបើមានការពិភាក្សាយា៉ងល្អពីអស្តិរូបវិជ្ជាជាពិសេសអំពីពេលវេលានិងឆន្ទៈសេរីនិងសីល៍វិជ្ជាក៏ដោយ។ ក្នុងឋានៈជាលោកអភិបាលកាតូលិកម្នាក់គាត់បានប្រយុទ្ធប្រឆាំងអ្នកជឿបីក្រុម៖
ប្រឆាំងពួកសាសនមា៉នី អាអ៊ូហ្គូស្ធីនូស អះអាងថាចក្រវាឡគឺល្អទាំងស្រុងនិងអំពើបាបគឺគ្រាន់តែគ្មានឫុអវត្តមានអ្វីដែលល្អ។ ក្នុងករណីនៃអំពើអាក្រក់់ខាងសីលធម៌នេះជាលទ្ធផលនៃឆន្ទៈសរី។
This article uses material from the Wikipedia ភាសាខ្មែរ article អាអ៊ូហ្គូស្ធីនូស នៃ ហុីបផូ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ខ្លឹមសារអត្ថបទប្រើប្រាស់បានក្រោមអាជ្ញាបណ្ឌCC BY-SA 4.0 លើកលែងតែមានបញ្ជាក់ផ្សេងពីនោះ។ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ភាសាខ្មែរ (DUHOCTRUNGQUOC.VN) is an independent company and has no affiliation with Wiki Foundation.