Avrelii Avgustin
Avrelii Avgustin Gipponalaine (latin.: Aurelius Augustinus Hipponensis) vai Avgustin Afr (latin.: Augustinus Afer; sünd.
13. kül'mku 354, Tagast-lidn, Numidii, Pohjoine Afrik, Rimalaine imperii — kol. 28. eloku 430, Gippon-lidn, Numidii, Pohjoine Afrik, Päivlaskmaine Rimalaine imperii, nüg. Alžiran pohjoižpäivnouzm; hibjan jändused oma Pavii-lidnan Čel' d'Oro-bazilikjumalanpertiš, Italii) oli hristanuskondan jumalantedomez', filosof i pühäpaginik.
| Avrelii Avgustin | |
| latin.: Aurelius Augustinus | |
 Ph. Avgustin. Sankta-Sanktorum-kapellan fresk Lateran-pert'kulus (Rim), 6. voz'sada | |
| radmižen toižend: | filosof, teoloog, autobiograaf, muusikateoreetik, jutlustaja, istorik, runokirjutai, presbüter, kirjutai, katoliku preester, titular bishop, Catholic bishop |
|---|---|
| sündundan dat: | 13. kül'mku 354 |
| sündundan sijaduz: | Thagaste[d], Numidia Cirtensis[d], Rimalaine imperii |
| valdkund: | Rooma riik[d] |
| kolendan dat: | 28. eloku 430 (75 vot) |
| kolendan sijaduz: | Hippo Regius[d], Numidia Cirtensis[d], Lääne-Rooma keisririik[d] |
| tat: | |
| mam: | |
 Avrelii Avgustin VikiAitas | |
Om sädusid VikiPurtkiš  | |
Avgustin pani severziden-se jumalankodiden alusid, erased oliba pandud panzatole möhemba. Lugetas pühämeheks katoližes, ortodoksižes i lüteranižes jumalankodikundoiš. Katolikad mainitadas händast 28. päiväl elokud, Venäman ortodoksad — 15 (28). kezakud.
Avgustinan melen mödhe, ku Biblijan tekstad vastkaroitas tedole, ka ei tari el'geta niid sana sanha. Avgustin ezimeletab, miše Adaman i Evan organizmad oliba sätud surmanalaižikš, no hö saižiba hengeližid hibjoid i igähišt elod, kuiži ei ole männu grähkha. Tedoidajiden pala lugeb Avgustinad hristanuskondan filisofijan istorijan alusenpanijaks, ka avgustinizm-joksend om olmas. Avgustinan hristianine neoplatonizm oli päižeks Päivlaskmaižen Evropan filosofijas i jumalantedos 13. voz'sadahasai, konz' Sur' Al'bert i Homoi Akvinlaine šingotihe hristianižen aristotelizman kacundoid.
Valitud sädused
Avgustin sädi äi kirjoid latinan kelel, ned valatoitihe protestantizman antropologišt opendust (Lüter i Kal'vin).
Kaikiš tetabambad i znamasižembad sädused oma De civitate Dei («Jumalan lidnas») i Confessiones («Hengenavaidamine»), Avgustinan hengeline elonstarin, De Trinitate («Stroican polhe»), De libero arbitrio («Joudjas valdas»), Retractationes («Toštmižkacundad»).
Homaičendad
Irdkosketused
- Sait pühämehes (augustinus.it). (latin.) (ital.) (angl.) (isp.) (fr.) (saks.)
This article uses material from the Wikipedia Vepsän article Avrelii Avgustin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.