ნუკუალოფა
ნუკუალოფა (ინგლ.
მდებარეობს კუნძულ ტონგატაპუზე. ქალაქის მოსახლეობა 2010 წლისთვის 24 310 ადამიანს შეადგენდა. ძირითადად ცხოვრობენ ტონგელები (96 %). ქალაქში განთავსებულია საზღვაო პორტი და აეროპორტი. გააქვთ კოპრა და ბანანი.
| დედაქალაქი | |
|---|---|
| ნუკუალოფა ინგლ. Nuku’alofa | |
 ნუკუალოფა | |
| ქვეყანა |  ტონგა |
| კოორდინატები | 21°08′00″ ს. გ. 175°12′00″ დ. გ. / 21.13333° ს. გ. 175.20000° დ. გ. |
| დაარსდა | 1795 |
| ფართობი | 11.41 კმ² |
| ცენტრის სიმაღლე | 3 მ |
| მოსახლეობა | 24 310 კაცი (2010) |
| ეროვნული შემადგენლობა | ტონგელები (96 %) |
| სასაათო სარტყელი | UTC+13 |
| სატელეფონო კოდი | 676 |
| საფოსტო ინდექსი | 00196-8000 |
  | |
ბუნებრივი პირობები
ნუკუალოფა მდებარეობს ტონგის უდიდეს მარჯნულ კუნძულ ტონგატაპუზე. ამ ადგილის კლიმატი ტროპიკული ზღვის კლიმატია. წლის განმავლობაში ჰაერის ტემპერატურა მერყეობს +20 Cº-დან +26 Cº-მდე. ყველაზე უფრო ცხელი და ნოტიო სეზონი გრძელდება დეკემბრიდან აპრილის ჩათვლით. ატმოსფერული ნალექების რაოდენობა მოდის დაახლოებით 1500 მმ. ბუნებრივი მცენარეულობა უპირველეს ყოვლისა წარმოდგენილია ტროპიკული ტყეებით, ბუჩქებით და პალმებით.
ქალაქის განვითარების ისტორია
პირველი ევროპელი, რომელიც 1643 წელს კუნძულ ტონგატაპუზე გადავიდა, იყო ნიდერლანდელი ზღვაოსანი აბელ ტასმანი. 1773 და 1777 წლებში ნუკუალოფას ტერიტორიას ეწვია ინგლისელი კაპიტანი ჯეიმზ კუკი. დაახლოებით XIX საუკუნის შუისათვის ტონგის კუნძულთა ჯგუფები გაერთიანდნენ მეფის ხელისუფლების ქვეშ, რომელმაც 1900 წელს ხელი მოაწერა ხელშეკრულებას დიდ ბრიტანეთთან სამეფოზე მისი პროტექტორატის დამყარების თაობაზე. 1970 წელს პროტექტორატის გაუქმების შემდეგ ქვეყანა გამოცხადდა დამოუკიდებელ სახელმწიფოდ და ნუკუალოფამ მიიღო ტონგის დედაქალაქის სტატუსი.
მოსახლეობა, ენა, აღმსარებლობა
ქალაქის მოსახლეობის რაოდენობაა — 24 310 ადამიანი (2010). ქალაქში ძირითადად ცხოვრობენ ტონგელები (96 %). ორი ოფიციალური ენაა — ტონგური ენა და ინგლისური ენა. მორწმუნეები, უმთავრესად — მორმონებია.
კულტურული მნიშვნელობა
ტონგის დედაქალაქის მთავარი ღირსშესანიშნაობაა 1867 წელს აშენებული სამეფო სასახლე. ქალაქის შემოგარენში შენარჩუნებულია ოკეანეთის ძველი ცივილიზაციის თავდაცვითი ნაგებობების ნანგრევები და ძველი ტონგელი არისტოკრატების სამარხები. ქალაქში ბევრი ლამაზი პლაჟებია. განთქმულია ორქიდეის მრავალი სახეობით, რომლებიც იზრდებიან ქალაქის საზღვრებში.
რესურსები ინტერნეტში
სქოლიო
This article uses material from the Wikipedia ქართული article ნუკუალოფა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.