ნიამეი

გაშენებულია მდინარე ნიგერზე, თუმცა თავდაპირველად მხოლოდ მის აღმოსავლეთ ნაპირზე დაარსდა. წარმოადგენს ნიგერის ადმინისტრაციულ, კულტურულ და ეკონომიკურ ცენტრს. 2006 წელს ნიამეის მოსახლეობა 774 235 ადამიანს შეადგენდა, თუმცა 2012 წლის მოსახლეობის აღწერის მონაცემებით ეს რიცხვი 978 029 ადამიანს აღწევს. 1926-1960 წლებში იყო საფრანგეთის სამფლობელო ნიგერის ადმინისტრაციული ცენტრი, ხოლო 1960 წლიდან ნიგერის დედაქალაქია.

დედაქალაქი
ნიამეი ფრანგ. Niamey
ქვეყანა	ნიგერი
შიდა დაყოფა	5 კომუნა, 44 რაიონი, 99 კვარტალი
კოორდინატები	13°31′17″ ჩ. გ. 2°06′19″ ა. გ. / 13.52139° ჩ. გ. 2.10528° ა. გ. / 13.52139; 2.10528
ქალაქის მერი	Barry Bibata Niandou
დაარსდა	1890
ფართობი	239,30 კმ²
ცენტრის სიმაღლე	207 მ
მოსახლეობა	978 029 კაცი (2012)
სიმჭიდროვე	4087,04 კაცი/კმ²
სასაათო სარტყელი	UTC+1
ნიამეი ვიკისაწყობში

ქალაქში განვითარებულია დამუშავებითი მრეწველობა, აწარმოებენ აგურს, კერამიკას, ცემენტს და ქსოვილებს. ქალაქი სატრანსპორტო კვანძია, იქ მდებარეობს საფეიქრო ფაბრიკა და სასოფლო-სამეურნეო პროდუქციის სავაჭრო ცენტრი, ფუნქციონირებს უნივერსიტეტი. ქალაქთან ახლოს მდებარეობს თბოელექტროსადგური და საერთაშორისო აეროპორტი.

ХIХ საუკუნის ბოლოს თანამედროვე ნიამეის ადგილას არსებობდა პატარა სოფელი, სადაც რამდენიმე ასეული ადამიანი ცხოვრობდა. იმ პერიოდში დაწყებული ნიგერის დაპყრობის დროს 1892 წელს ამ სოფელში ფრანგმა კოლონიზატორებმა დააარსეს თავიანთი დასაყრდენი სამხედრო პუნქტები. სავაჭრო გზების გზაჯვარედინზე ნიამეის განსაკუთრებულად მოხერხებულმა მდებარეობამ ხელი შეუწყო მის ზრდას.

ნიამეი მდებარეობს მდინარე ნიგერის ორივე ნაპირზე, ქალაქის ტერიტორიას უკავია 239 კმ². ქალაქის საზღვრებში მდინარეში ასევე არსებობს რამდენიმე მომცრო კუნძული.

ნიამეი მდებარეობს საჰელის სამხრეთით და აქვს მისთვის ტიპური კლიმატი. ის წარმოადგენს რაღაც საშუალოს სუბეკვატორულ და ტროპიკულ კლიმატს შორის. კლიმატი საკმაოდ ცხელია, საშუალო ტემპერატურა მერყეობს იანვარში 24 °C-დან 34 °C-მდე მაისში, ხოლო წლის საშუალო ტემპერატურა შეადგენს 29 °C-ს. არსებობს გამოკვეთილი ხანმოკლე ნოტიო სეზონი, რომელიც გრძელდება მაისიდან სექტემბრის ჩათვლით და რომლის პიკი აღწევს ივლის-აგვისტოში. მთელი ნალექი მოდის ნოტიო სეზონის დროს. მშრალი სეზონის დროს ნალექები საერთოდ არ მოდის.

ნიამეისთვის, როგორც სხვა დიდი აფრიკული ქალაქებისთვის, დამახასიათებელია მოსახლეობის სწრაფი ზრდა XX საუკუნის მთელი მეორე ნახევრის განმავლობაში. ქალაქის მოსახლეობის 90 %-ზე მეტი — მუსლიმია. ქალაქის ყველაზე დიდი ეთნიკური ჯგუფებია: სონგაი და ჯერმა, რომლებიც ერთად შეადგენენ მთელი მოსახლეობის 51,1 %-ს; მათ შემდეგ მოდის ჰაუსას ხალხი (34,4 %).

ქალაქის მოსახლეობა წლების მიხედვით:

ქალაქი ნიამეი შედგება 5 კომუნისაგან, რომლებიც იყოფიან 44 რაიონად:

კომუნა	კვარტალი	რუკა	ქალაქის ადმინისტრაციული რუკა
ნიამეი I	20 კვარტალი
ნიამეი II	17 კვარტალი
ნიამეი III	17 კვარტალი
ნიამეი IV	17 კვარტალი
ნიამეი V	28 კვარტალი

ნიამეი იმყოფება მეგობრულ დამოკიდებულებაში შემდეგ ქალაქებთან:

ქვეყანა, ქალაქი	თარიღი	წყარო
განა ტამალე	2007

•   ნიამეი, ტურისტული მეგზური ვიკივოიაჟზე
• Niger საიტზე Curlie
• Niger Assemblee Nationale დაარქივებული 2007-08-18 საიტზე Wayback Machine. official website
• Mission of Niger to the United Nations official website
• BBC News Country Profile - Niger
• CIA World Factbook - Niger დაარქივებული 2020-04-24 საიტზე Wayback Machine.
• US State Department - Niger includes Background Notes, Country Commercial Guides and major reports
• MSN Map^{[მკვდარი ბმული]}