კარანტინი
კარანტინი — ადამიანების, ცხოველებისა და საქონლის გადაადგილების შეზღუდვა დაავადების ან პარაზიტის გავრცელების პრევენციის მიზნით.
ხშირად გამოიყენება დაავადებებთან და ავადმყოფობებთან კავშირში და გულისხმობს იმ ადამიანების გადაადგილების შეზღუდვისას, რომლებიც გადამდები დაავადებით ინფიცირებულთან ჰქონდათ კონტაქტი, თუმცა არ დადასტურებიათ საბოლოო სამედიცინო დიაგნოზი. კარანტინი განსხვავდება სამედიცინო იზოლაციისაგან, რომლის დროსაც ადამიანი, რომელსაც დაუდასტურდა გადამდები დაავადება, იზოლირებულია ჯანმრთელი მოსახლეობისგან. კარანტინის ხშირად არის სასაზღვრო კონტროლის ერთ-ერთი ასპექტია.
კარანტინის კონცეფცია ცნობილია ბიბლიური პერიოდიდანვე და ისტორიის განმავლობაში მის პრაქტიკას მრავალ ადგილას შევხვედრივართ. აღსანიშნავი კარანტინები უახლეს ისტორიაში მოიცავს 1665 წელს სოფელ ეიმის კარანტინს ბუბონური ჭირის აფეთქებისას ინგლისში, აღმოსავლეთ სამოას კარანტინს 1918 წლის გრიპის ეპიდემიისას, დიფტერიის აფეთქების კარანტინს 1925 წლის ნომისაკენ შრატის რბოლისას, 1972 წლის იუგოსლავიის ყვავილის აფეთქების კარანტინს და გრძელვადიანი კარანტინებს მსოფლიოს გარშემო COVID-19-ის პანდემიისას 2020 წლიდან მოყოლებული.
კარანტინის გამოცხადებისას აუცილებელია ეთიკური და პრაქტიკული ასპექტების გათვალისწინება. პრაქტიკა განსხვავდება სხვადასხვა ქვეყნებში. ზოგ ქვეყანაში, კარანტინი ერთ-ერთია იმ კანონმდებლობით რეგულირებად ზომათაგან, რომელიც ბიოუსაფრთხოებას უკავშირდება. მაგალითად, ავსტრალიაში ბიოუსაფრთხოება იმართება მრავლისმომცველი "ბიოუსაფრთხოების აქტი 2015-ით".
ლიტერატურა
- Jared P. Cole. (9 octomber, 2014) Federal and State Quarantine and Isolation Authority. Congressional Research Service.
- Graham A. J. Ayylife, Mary P. English. http://assets.cambridge.org/052181/9350/sample/0521819350ws.pdf.
რესურსები ინტერნეტში
This article uses material from the Wikipedia ქართული article კარანტინი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.