ერთდღიურები
ერთდღიურები (ლათ.
2 მმ-იდან 4 სმ-მდე სიგრძის რბილი წაგრძელებული სხეულის ბოლოზე აქვთ წყვილი გრძელი გვერდითი ცერკები და ერთი შუა პარაცერკი, რომელიც ზოგჯერ ძალიან მოკლეა, ზოგჯერ კი მათი სიგრძე სხეულისას აღემატება. ნაზი აპკოვანი ფრთების ორი წყვილი დასვენების დროს სხეულის მიმართ ვერტიკალურად აქვთ აღმართული. უკანა ფრთები წინაზე მოკლე ან სრულიად განუვითარებელია. პირის ორგანოები რედუცირებულია, ნაწლავი კი საჰაერო ბუშტად არის გარდაქმნილი, შესაბამისად, არ იკვებებიან. გავრცელებული არიან მთელს მსოფლიოში. ცნობილია 2600-მდე სახეობა. მეტამორფოზი არასრულია. კვერცხებს წყალში დებენ. მატლის განვითარება 1–3 წელს გრძელდება; ისინი სხვადასხვა მტკნარ წყალსატევში ბინადრობენ, მტაცებლები ან დეტრიტოფაგები არიან. სხვა მწერებისგან განსხვავებით, ახასიათებთ გარეგნულად ერთმანეთისგან მცირედ განსხვავებული ორი შემდგომი სტადია: განვითარება დამთავრებული მატლიდან გამოდის სქესმოუმწიფებელი სუბიმაგო, რომელიც კანს იცვლის და სქესმწიფე იმაგოდ გარდაიქმნება. ერთდღიურები ცოცხლობენ ცოტა ხანს — რამდენიმე საათიდან ერთ ან რამდენიმე დღემდე. ფრთიანი ზრდასრულები წყალთან ახლოს ატარებენ სიცოცხლეს. მამლები ჰაერში ხშირად წარმოქმნიან გუნდებს; შეწყვილების შემდეგ იღუპებიან. მატლების დიდი რაოდენობის გამო ერთდღიურები ძირითად საკვებ რესურსს წარმოადგენენ მრავალი თევზისათვის, განსაკუთრებით ორაგულისებრთათვის. დიდ მდინარეებზე მასიური სახეობების იმაგოების სინქრონული გაფრენა ხშირად თოვას მოაგონებს. მტკნარი წყალსატევების სისუფთავის ინდიკატორები არიან. ნამარხ ერთდღიურებს დიდი მნიშვნელობა აქვთ ბიოსტრატიგრაფიისათვის.
| ერთდღიურები | ||||||||||||
|---|---|---|---|---|---|---|---|---|---|---|---|---|
.JPG) | ||||||||||||
| მეცნიერული კლასიფიკაცია | ||||||||||||
| ||||||||||||
| ლათინური სახელი | ||||||||||||
| Ephemeroptera (Hyatt & Arms, 1891) | ||||||||||||
| ||||||||||||
სქოლიო
This article uses material from the Wikipedia ქართული article ერთდღიურები, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.