Paulus Saka Tarsus
Paulus saka Tarsus (awalé Saulus saka Tarsus) utawa Rasul Paulus, (3 Maséhi–67 Maséhi) diakoni minangka tokoh wigati sajeroning ngrumusaké ajaran Yesus.
Paulus digambaraké sajeroning Prajanjian Anyar minangka Yahudi saka suku Benyamin, kang duwé kabudayan Yunani (helenis) lan warga Roma saka Tarsus (saiki Turki). Awalé panjenengané siji panganiaya wong Kristen (wektu iku jenengé Saulus), lan sawisé pengalamané ketemu Yesus ing dalan nuju kutha Damaskus, panjenengané malih dadi siji pendhèrèk Yesus Kristus (Kis. 9).
Paulus nyebut dhèknèné minangka "rasul kanggo bangsa-bangsa non-Yahudi" (Roma 11:13). Panjenengané gawé upaya kang ngéramaké liwat layang-layangé marang komunitas non-Yahudi kanggo nuduhaké yèn keslametan kang dilakoni déning Yesus Kristus iku kanggo kabèh wong, dudu mung wong Yahudi. Gagasan Paulus iki marakaké crah antarané dhèknèné karo murid-murid Yesus, mligi Petrus lan Yakobus, kang percaya yèn kanggo dadi pendhèrèk Yesus, wong-wong kang dudu Yahudi kudu pisanané dadi Yahudi luwih dhisik (deleng Gal. 2:11-14). Kanggo ngrampungaké konflik iki, dianakaké sidhang ing Yerusalem (Kis. 15), kang sinebut Sidhang Sinode utawa Konsili Gréja kang pisanan.
Pati
Alkitab ora nélakaké kepriyé lan kapan Paulus mati. Nanging miturut tradhisi Kristen, Paulus ditebas guluné ing Roma nalika mangsa papréntahan Nero watara patengahan 60-an ing Tre Fontane Abbey.
Nalika sasi Juni 2009, Paus Benediktus ngumumké asil pangedhukan kuburrané Paulus ing Basilika Santo Paulus ing Njaba Tembok. Sarkofagus iku dhéwé ora kabukak, nanging diuji kanthi upaya panylidhikan. Lan iku nuduhaké tugelan-tugelan menyan, kain ungu lan kain biru sarta fragmèn balung cilik. Balung iku mawa tanggal radiokarbon abad kaping-1 tekan kaping-2. Miturut Vatikan, iki katoné ngonfirmasi tradhisi kubur duwèkané Paulus.
Réferènsi
- Badenas, Robert. Christ the End of the Law, Romans 10.4 in Pauline Perspective 1985 ISBN 0-905774-93-0 argues that telos is correctly translated as goal, not end, so that Christ is the goal of the Law, end of the law would be antinomianism
- Brown, Raymond E. An Introduction to the New Testament. Anchor Bible Series, 1997. ISBN 0-385-24767-2.
- Bruce, F.F., Paul: Apostle of the Heart Set Free (ISBN 0-8028-4778-1)
- Dunn, James D.G. Jesus, Paul and the Law 1990 ISBN 0-664-25095-5
- Hart, Michael. The 100. Carol Publishing Group, July 1992. Paperback, 576 pages. ISBN 0-8065-1350-0.
- Maccoby, Hyam. The Mythmaker: Paul and the Invention of Christianity. New York: Harper & Row, 1986. ISBN 0-06-015582-5.
- MacDonald, Dennis Ronald, 1983. The Legend and the Apostle: The Battle for Paul in Story and Canon Philadelphia: Westminster Press.
- Marxsen, Willi, 1992. Pengantar ke dalam Perjanjian Baru, Jakarta: BPK Gunung Mulia.
Pranala njaba
- Epistles of Apostle Paul Bishop Alexander (Orthodox Christian perspective)
- St. Paul (Catholic Encyclopedia)
- The Apostle and the Poet: Paul and Aratus Dr. Riemer Faber
- New Perspective on Paul
- Jewish Encyclopedia: Saul of Tarsus
Cithakan:Lelampahan Misi Paulus Cithakan:Tokoh Prajanjian Anyar
| Wiki Commons duwé médhia ngenani Saint Paul. |
This article uses material from the Wikipedia Basa Jawa article Paulus saka Tarsus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.