Dhènemarken
Hans Christian Ørsted | ||
---|---|---|
Fisikawan saha kimiawa Dhènemarken. | ||
Miyos | Rudkøbing, Dhènemarken, 14 Agustus 1777 | |
Warga nagari | ||
Séda | Kopenhagen, 9 Maret 1851 |
Hans Christian Ørsted (14 Agustus1777 ing Rudkøbing – 9 Maret 1851 ing Kopenhagen) punika salah satunggiling ahli fisika saha kimia Dhènemarken, ingkang angsal prabawa filsafat Immanuel Kant. Ing taun 1820 piyambakipun manggihaken gandhèngan antawis listrik kaliyan magnetisme ing satunggiling èkspèrimèn ingkang prasaja sanget. Piyambakipun nuduhi manawi kawat ingkang dipunaliri arus listrik saged enolak dom magnet kompas. Ørsted boten saged nyukani penjelasan ingkang marem kanggé fénoménah puniki. Piyambakipun ugi boten nyobi ndèkèk fénoménah punika ing warangka matématis.
Ørsted boten ingkang kapisan manggihaken gandhèngan antawis listrik saha magnetisme. Sadèrèngipun punika sampun wonten tiyang Italia anami Gian Domenico Romagnosi, sawatawis 18 taun sadèrèngipun. Romagnosi punika ahli hukum Italia. Cathetan prakawis pamanggihan Romagnosi dipunterbitaken ing 1802 ing satunggiling koran Italia, nanging komunitas ngèlmiah boten wonten ingkang nggatosaken.
Ing 1825 Ørsted maringi sumbangsih wigatos kanggé kimia. Piyambakipun ingkang kapisan ndamel aluminium.
Unit magnetisme oersted dipunsukani nama makaten kanggé mumulèni piyambakipun.
This article uses material from the Wikipedia Basa Jawa article Hans Christian Oersted, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.