Bison Amérika
Bison Amérika (Bison bison) iku sawijining kéwan mamalia sajenis sapi saka kulawarga bison sing uga diarani American buffalo utawa kebo Amérika.
Tembung buffalo ing kéné sajatiné salah, amarga kéwan iki naming kerabat adoh "kebo sajati" ya iku "kebo banyu" saka Asia Kidul-Wétan lan kebo Afrika. Bison tau manggoni laladan prairie (Great Plains) ing Amérikah Sarékat lan Kanada nganti mayuta-yuta cacahé nganti tekan Meksiko. Nanging ing pungkasan abad kaping 19 mèh cures.
Dèskripsi
Bison nduwé kulit wulu sing dhiwut-dhiwut lan ing mangsa adhem warnané coklat tuwa lan ing mangsa panas coklat enom. Bison dhuwuré bisa nganti 2 mèter lan dawané nganti tekan 3 mèter sarta aboté 400 nganti 1.000 kg. Spésimèn sing gedhé dhéwé naté tinemu aboté nganti 2.500 kg. Endhas lan bauné iku padhet banget lan bison lanang utawa wadhon loro-loroné nduwé sungu cendhak, bèngkok sing dienggo padhu nalika kerah.
Bison iku kéwan hèrbivor sing mangani suket lan tuwuhan Cyperaceae ing laladan prairi Amérika Lor. Bison mangan wayah ésuk lan wengi. Ing wayah awan kabèh padha lèrèn. Bison kawin ing sasi Agustus lan September; suwéné meteng ya iku 285 dina.
This article uses material from the Wikipedia Basa Jawa article Bison Amérika, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.