Þorsteinn M. Jónsson: Hagfræðingur og athafnamaður (f. 1963 )

Jónsson (f. 18. febrúar 1963) er fyrrum stjórnarformaður og eigandi Vífilfells hf. og fyrrum stjórnarformaður Glitnis hf.. Hann hefur átt sæti í stjórnum ýmissa fleiri fyrirtækja, þeirra á meðal FL Group hf., Refresco Holding BV., 365 hf. og Teymis hf.

Þorsteinn lauk Cand. oecon prófi (BA í hagfræði) frá Háskóla Íslands árið 1988 og hlaut MA gráðu í hagfræði frá Northwestern University árið 1991.

Þorsteinn starfaði sem hagfræðingur, fyrst hjá Seðlabanka Íslands og síðan Samtökum Iðnaðarins þar til hann var ráðinn sem framkvæmdastjóri Vífilfells 1996. Því starfi gegndi hann til ársins 2005 þegar hann tók við sem stjórnarformaður fyrirtækisins. Þorsteinn hefur samhliða störfum sínum gegnt hlutverki fjárfestis og hefur tekið þátt í margvíslegum verkefnum á Íslandi og erlendis á undanförnum árum.

Hann var kosinn stjórnarformaður Glitnis í febrúar 2007,.

Faðir Þorsteins er Jón Þórarinsson, tónskáld.

• Glitnir hf
• Teymi hf Geymt 10 september 2007 í Wayback Machine
• FL-Group hf Geymt 13 febrúar 2020 í Wayback Machine
• Vífilfell hf