Laugardalslaug: Almenningssundlaug í Reykjavík

Laugardalslaug (einnig Sundlaugin í Laugardal) er stór íslensk sundlaug á Sundlaugarvegi 30 í 104 Reykjavík sem byggð var árið 1968. Sundlaugin var teiknuð á teiknistofu húsameistara Reykjavíkuborgar, Einars Sveinssonar.

Í Laugardalslaug er að finna þrjár laugar og fjóra búningsklefa, eina upphitaða útilaug sem er 28°C heit, 50 metrar á lengd og 22 m á breidd með átta brautum. Við hlið hennar er 30 m laug, en vatnið í henni er hlýrra en vatnið í 50 m lauginni sem hún liggur við. Árið 2004 bættist við 25 m breið og 50 m löng innilaug sem hefur færanlegan bakka og 10 brautir;. Einnig eru heitir pottar, eimbað, nuddpottar, ljósabekkir og 86 m löng rennibraut. Hvert ár koma um 1,5 milljón gestir í Laugardalslaugina.

 

Wiki Commons er með margmiðlunarefni sem tengist Laugardalslaug.

• Grein um Laugardalslaug sem finna má á vef Reykjavíkurborgar
• Umfjöllun um Laugardalslaug Geymt 22 september 2008 í Wayback Machine á www.sundlaugum.is