Kirkja Sjöunda Dags Aðventista

Söfnuður aðventista á rætur sínar að rekja til bæjarins Washington í New Hampshire-fylki Bandaríkjanna, þar sem hann kom fyrst til sögunar 1844. Söfnuður Sjöunda dags aðventista eins og hann þekkist í dag var formlega stofnaður 21. maí 1863. Á þeim tíma þá hafði söfnuðurinn 125 kirkjur og 3.500 meðlimi. Síðan þá hefur söfnuðurinn vaxið gífurlega. Samkvæmt tölum frá 31. desember 2008 þá eru kirkjurnar orðnar 65.961 og meðlimirnir orðnir 15.921.408 á heimsvísu.

Sjöunda dags aðventismi kom fyrst fram til sögunnar á Íslandi árið 1897, söfnuðurinn var þó formlega stofnaður 1914. Söfnuðurinn hefur stækkað og árið 2009 var söfnuðurinn með sex kirkjur, bókaútgáfu sem heitir Frækornið, bókaforlag aðventista og grunnskóla sem heitir Suðurhlíðarskóli. Samkvæmt upplýsingum frá Þjóðskrá þá voru 603 meðlimir í söfnuðinum árið 2022.

Á Íslandi eru 6 guðsþjónustuhús, þau eru:

• Aðventkirkjan Ingólfsstræti 19, 101 Reykjavík.
• Loftsalurinn Hólshrauni 3, 220 Hafnarfirði.
• Aðventkirkjan Blikabraut 2, 230 Keflavík.
• Safnaðarheimilið Eyravegi 67, 800 Selfossi.
• Aðventkirkjan Brekastíg 17, 900 Vestmannaeyjum.
• Gamli Lundur Eiðsvallagötu 14, 600 Akureyri.

• Eric Guðmundsson, prestur í Árnessöfnuði, Vestmannaeyjasöfnuði og Reykjavíkursöfnuði.
• Gavin Anthony, prestur/formaður
• Þóra Sigríður Jónsdóttir, prestur/aðalritari.

• http://www.sda.is/
• http://www.adventistar.is/