Karl 16. Gústaf: Konungur Svíþjóðar frá 1973

Gústaf (Carl Gustaf Folke Hubertus, fæddur 30. apríl 1946) er konungur Svíþjóðar og sjöundi sænski konungurinn af Bernadotte-ætt.

Svíakonungur Bernadotte-ætt
Gústaf.
Ríkisár	15. september 1973 –
Skírnarnafn	Carl Gustaf Folke Hubertus
Kjörorð	För Sverige – i tiden
Fæddur	30. apríl 1946 (1946-04-30) (77 ára)
	Haga höll, Solna, Stokkhólmi
Undirskrift
Konungsfjölskyldan
Faðir	Gústaf Adólf erfðaprins
Móðir	Sibylla af Sachsen-Coburg-Gotha
Drottning	Silvia Sommerlath frá Heidelberg í Þýskalandi
Börn	Viktoría krónprinsessa Karl Filippus prins Magdalena prinsessa

Hann tók við krúnunni eftir lát afa síns, Gústafs 6. Adólfs, árið 1973, en faðir hans, Gústaf Adólf erfðaprins, fórst í flugslysi þegar Karl Gústaf var aðeins níu mánaða gamall. Hann varð svo krónprins árið 1950 við lát langafa síns, Gústafs 5. Kona Gústafs erfðaprins og móðir Karls Gústafs var Sibylla af Sachsen-Coburg-Gotha.

Karl Gústaf er áhugamaður um bíla og veiðar og tekur mikinn þátt í starfi skátahreyfingarinnar í Svíþjóð. Hann er lesblindur og átti þess vegna í námserfiðleikum en lauk þó stúdentsprófi og stundaði nám við Uppsalaháskóla og Stokkhólmsháskóla.

Hann kynntist konu sinni, Silviu Sommerlath frá Heidelberg í Þýskalandi, á Ólympíuleikunum í München 1972 en þar starfaði hún sem túlkur. Þau giftust 19. júní 1976 og nefnist hún eftir það Silvía Svíadrottning. Þau eiga þrjú börn:

• Viktoría krónprinsessa (f. 1977)
• Karl Filippus prins (f. 1979)
• Magdalena prinsessa (f. 1982)