Guðni Ágústsson: íslenskur stjórnmálamaður

á Brúnastöðum í Hraungerðishreppi 9. apríl 1949) er framkvæmdastjóri Samtaka afurðastöðva í mjólkuriðnaði (SAM), fyrrverandi ráðherra og fyrrverandi formaður Framsóknarflokksins. Guðni tók við formennsku flokksins eftir afsögn Jóns Sigurðssonar hinn 23. maí 2007 og gegndi formennsku í tæpa 18 mánuði. Hann var alþingismaður á árunum 1987 til 2008.

Guðni Ágústsson (GÁ)
Fæðingardagur:	9. apríl 1949 (1949-04-09) (75 ára)
Fæðingarstaður:	Brúnastaðir í Hraungerðishreppi
Flokkur:	Framsóknarflokkurinn
Þingsetutímabil
1987-1991	í Suðurl. fyrir Framsfl. ✽
1991-1995	í Suðurl. fyrir Framsfl.
1995-2003	í Suðurl. fyrir Framsfl. ✽
2003-2007	í Suðurk. fyrir Framsfl. ✽
2007-2008	í Suðurk. fyrir Framsfl.
✽ = stjórnarsinni
Embætti
1989-1990	2. varaforseti sameinaðs þings
1995-1999	3. varaforseti Alþingis
1995-1999	Formaður landbúnaðarnefndar
1999-2007	Landbúnaðarráðherra
Tenglar
Æviágrip á vef Alþingis

Faðir Guðna, Ágúst Þorvaldsson, var einnig þingmaður Framsóknarflokksins. Guðni var formaður Félags ungra framsóknarmanna í Árnessýslu 1972-75. Hann starfaði sem mjólkureftirlitsmaður hjá Mjólkurbúi Flóamanna árin 1976-1987. Hann sat í stjórn Hollustuverndar ríkisins 1982-86 og bankaráðs Búnaðarbanka Íslands 1990-98, þar af var hann formaður 1990-93. Hann var landbúnaðarráðherra frá 28. maí 1999 til 24. maí 2007.

17. nóvember 2008 sagði Guðni af sér þingmennsku og formennsku í Framsóknarflokknum. Við formennskunni tók Valgerður Sverrisdóttir en Eygló Harðardóttir tók við þingsæti Guðna í Suðurkjördæmi.

Árið 1991 sagði Guðni, sem þá var formaður bankaráðs Búnaðarbankans: „Ég hef í tvö þing í röð lagt til að kannað verði hvort ekki megi gera upp núverandi kerfi [lífeyrissjóðanna] og stofna þess í stað eigin eftirlaunasjóði hvers og eins. Ég mun halda áfram þeirri baráttu, sem ég hef hafið fyrir því að menn átti sig á því að lífeyrissjóðirnir, eins og þeir eru nú reknir, verða gjaldþrota og geta ekki staðið við skuldbindingar sínar“. Tillaga Guðna var að gjörbylta lífeyrisjóðakerfinu og vildi hann steypa lífeyrissjóðunum inn í bankana.

 

Wikivitnun er með safn tilvitnana á síðunni Guðni Ágústsson.

• Alþingi - Æviágrip: Guðni Ágústsson
• Kálfakjarkur ríkisstjórnarinnar; grein í Tímanum 1992

   Þetta æviágrip sem tengist stjórnmálum og Íslandi er stubbur. Þú getur hjálpað til með því að bæta við greinina.