1634: ár

Árið 1634 (MDCXXXIV í rómverskum tölum) var 34. ár 17. aldar sem hófst á sunnudegi samkvæmt gregoríska tímatalinu en miðvikudegi samkvæmt júlíska tímatalinu sem er tíu dögum á eftir.

 

• 25. febrúar - Hermenn myrtu Albrecht von Wallenstein að undirlagi keisarans vegna gruns um að hann væri að semja um frið við sænska herinn.
• 1. mars - Vladislás 4. konungur Póllands sigraði rússneskan her í orrustunni um Smolensk.
• 25. mars - Fyrstu ensku landnemarnir komu til Maryland, fjórðu varanlegu nýlendu Englendinga í Nýja heiminum.
• 5. og 6. september - Svíar biðu afgerandi ósigur fyrir keisarahernum í orrustunni við Nördlingen.

Ódagsettir atburðir

• Veturinn 1633-1634 var kallaður Hvítivetur á Íslandi.
• Oxford University Press í Englandi fékk konungsleyfi.

• 16. janúar - Dorothe Engelbretsdotter, norskt skáld (d. 1713).
• 18. mars - Marie-Madeleine de La Fayette, franskur rithöfundur (d. 1693).
• 20. mars - Balthasar Bekker, hollenskur heimspekingur (d. 1698).
• 18. október - Luca Giordano, ítalskur listmálari (d. 1705).
• 15. desember - Thomas Kingo, danskt sálmaskáld (d. 1703).

• 25. febrúar - Albrecht von Wallenstein, tékkneskur hershöfðingi, myrtur (f. 1583).
• 15. maí - Hendrik Avercamp, hollenskur listmálari (f. 1585).
• 25. júní - John Marston, enskt leikskáld (f. 1576).

Opinberar aftökur

• Jón Ormsson hengdur fyrir þjófnað, undir Svarthamri í Langadal.
• Aldís Þórðardóttir dæmd til dauða, í Kópavogi, fyrir blóðskömm. Bróðir hennar, Jón Þórðarson, var dæmdur útlægur fyrir sömu sök.