Marxisme

Marxisme barasa dari buah pikia filusuf Jerman abaik ke-19 Karl Marx jo Friedrich Engels. Karano Marxisme alah bakambang dari maso ka maso manjadi babagai cabang jo aliran pamikiran, kini ko indak adolah do ciek pun teori Marxisme nan pasti.

Babarapo aliran pamikiran Marxis labiah manakanan aspek-aspek tatantu sajo dari Marxisme klasik sambianyo manolak atau mamodifikasi aspek-aspek lainnyo. Babarapo aliran alah bausaho untuak manggabuangan konsep-konsep Marxian jo konsep-konsep non-Marxian nan kudian hari manghasiakan kasimpulan-kasimpulan nan kontradiktif. Alah dikamukokan pulo basonyo ado usaho manuju pangakuan materialisme historis jo dialektis sabagai konsepsi fundamental dari sado aliran pamikiran Marxis. Pandangan ko dibantah dek babarapo post-Marxis takah Ernesto Laclau jo Chantal Mouffe, nan mangklaim baso sijarah ko indak hanyo ditantuan dek caro produksi sajo tapi juo dek kasadaran jo kahandak.