Kudo

Kudo
Conservation status
Binatang domestik
Klasifikasi ilmiah
Kingdom:	Animalia
Phylum:	Chordata
Class:	Mammalia
Order:	Perissodactyla
Family:	Equidae
Genus:	Equus
Species:	E. caballus
Namo binomial
Equus caballus Linnaeus, 1758

Binatang ko alah lamo manjadi binatang piaroan nan pantiang sacaro ekonomis jo historis, dan alah mamacik paranan pantiang dalam angkutan urang jo barang salamo ribuan taun.

Kudo dapek diracak jo manusia jo mamakai sadel dan dapek pulo dipakai untuak maelo barang, sarupo padati atau bajak. Pado sabagian daerah, kudo juo dijadian sabagai sumber makanan. Walaupun taranak kudo dipakirokan alah dimulai sajak taun 4500 SM, bukti-bukti panggunoan kudo untuak kaparaluan manusia baru dijumpoi tajadi sajak 2000 SM. Di Minangkabau, kudo dipakai juo untuak kagiatan olahraga sarupo pacu kudo.

Kato "kudo" dalam bahaso Minangkabau diserap dari bahaso Sanskerta iyolah ghoṭa. Pado mulonyo kudo-kudo di Nusantara didatangan barabaik-abaik nan lalu dek urang India ataupun dari Cino. Kudian dibaok pulo dek urang Arab kiro-kiro taun 1375.

 

Panjinakan kudo kamungkinan partamo kali dilakukan sabalun 3500 SM di Asia Tangah. Duo sumber informasi untuak manantuan dari ma kudo dijinakan inggo taseba laweh di dunia iyolah tamuan paleantologi jo arkeologi, sarato DNA. DNA kudo dapek dipakai untuak pabandiangan antaro kudo-kudo nan ado kini juo tulang gigi kudo-kudo purba.

Bukti awal panjinakan kudo ado dari tapak-tapak di Ukarina jo Kazakhstan nan kiro-kiro dari 3500-4000 SM. Manjalang 3000 SM, kudo samakin dieksplorasi dan pado sakitar 2000 SM ado paningkekan mandadak jumlah tulang kudo an ditamui di situs paninggalan manusia kuno di Eropa barat lauik, nan manandoi tasebanyo kudo jinak ka saluruah banua. Bukti nan tabaru dan paliang indak tabantahan tantang panjinakan datangnyo dari tapak-tapak kudo di ma bangkai kudo dikubua basamo kareta pado pandam-pandam pakuburan kabudayaan Sintashta jo Petrovka pado kiro-kiro 2100 SM.

Sijarah panjinakan kudo turuik dikaji malalui bahan-bahan genetik dari kudo-kudo zaman kini untuak dibandiangan jo bahan-bahan genetik co tulang-tulang gigi pado kudo-kudo sisuak nan ado di situs tapak-tapak kudo tadi tasobok. Ragam pado bahan-bahan genetik manunjuakan baso saketek kudo jantan lia nan dijinakan, sadang ado banyak kudo batino dalam kawanan kudo-kudo jinak sisuak. Salain itu dalam panjinakan kudo ko ado paningkekan dalam ragam warono bulu kudo. Jumlah ragam warono kudo ko maningkek sacaro mandadak dari 5000 ka 3000 SM.

Kudo lapeh lia

Kudo lapeh lia lahia jo tingga di habitat lia, tapi sabananyo barasa dari kudo jinak. Ado banyak tempek kudo nan dilapehliaran di saluruah dunia, Kajian-kajian ka kawanan kudo ko alah maagiah panjalehan nan baguno pado parilalku kudo-kudo purba, di sampuang manambahan pamahaman tantang naluri jo kalakuan nan mandorong kudo-kudo nan iduik dalam kadoaan sagalo jinak.

Ado juo

Kuda jalang lahia dan tinggal di habitat liar, tetapi barasa daripado kuda bela jinak. Terdapat banyak penempatan kuda jalang di saluruah dunia. Kajian-kajian ka ateh kawanan jalang alah mambari pengertian nan berguna tahadok perilaku kuda purba, di samping menambahkan kefahaman tahadok naluri dan kelakuan nan mandorong kuda-kuda nan hiduik dalam keadaan serba jinak.

Ado juo kudo-kudo saparuah lia di dunia, misalnyo dari jinih Dartmoor jo New Forest di Inggirih, di ma kudo-kudo dipunyoi dek pihak swasta tapi banyak maabihan maso iduiknyo dalam kondisi lia di tampek-tampek umum nan indak dibangun. Pamiliak binatang-binatang ko lazim baiyua untuak hak marawaiknyo.