Influenza Porcin

Illo es cognoscite como virus del influenza porcin o SIV, pro le acronymos in anglese de Swine Influenza Virus, ben que iste distinction non es basate sur le phylogenia. Hodie, le ceppos de SIV es classificate como parte del genere Influenzavirus C o alicun del subtypos del genere Influenzavirus A.

Influenza porcin
instantia de: infectious disease[*], swine disease[*], classe de maladias[*]
subclasse de: Influenza, maladia
Commons: Swine flu

Le subtypos del virus Influenza A plus communmente trovate como le causa de infectiones de SIV es H1N1, H1N2, H3N1 e H3N2, ben que le H2N3 ha essite recentemente trovate, que etiam produce iste typo de pathologia.

In le mundo, il ha 3 subtypos de virus de influenza A (H1N1, H1N2 e H3N2), cognoscite per infectar porcos. In le Statos Unite, le subtypo classic H1N1 esseva quasi exclusivemente prevalente inter le populationes porcin ante 1998. Comocunque, ab augusto 1998 le subtypos H3N2 esseva etiam isolate. Il es trovate que le major parte del virus H3N2 ha material recombinate, con lineages de genes de virus que attacca esseres human (HA, NA, and PB1), porcos (NS, NP, and M) e aves (PB2 and PA).

Symptomatologia in le porco

 

Le animales passa per un quadro respiratori characterisate per tusse e frequentia respiratori elevate, sternutamentos, temperatura basal elevate, discargas nasal, lethargia, difficultates respiratori (frequentia de respiration elevate e respiration buccal) e appetito reducite. Le excretion nasal del virus pote apparer al circa 24 horas del infection. Le tassas de morbiditate es alte e pote attinger al 100 per cento, ben que le mortalitate es bastante basse e le majoritate del porcos se recupera post 5 o 7 dies post le apparition del symptomas. Le transmission del maladia es realisate per le contacto con le secretiones que contine le virus (trans le tusse o le sternutamento, assi como per le discargas nasal).