Kiauliu Grips

Kiauliu grips kuožnās metās užkret žmuonis, katrėi tor kuontaktu so kiauliem, bet īr ožfėksouta notėkėmu, kūmet kiauliu grips pardoudams nū žmuogaus prī žmuogaus. Sosėrgos kiauliu gripo simptuomā gal būt šalčiaus jautėms, uorėntacėjės netekėms, slabnoms, sanariū skausmā, viemėms ė pabėnguo gal būt smertės.

Žėnuoma, ka kiauliu gripa sukel gripa A sobtėpā H1N1, H1N2, H3N1, H3N2, ė H2N3.

1976 m. apėdemėjė JAV

1976 m. vasarė 5 d. JAV armėjės karīs Fuort Dėksie pranešė, ka jautas prastā ė slabnē. Ons nomėrė kėta dėina ė ketorė anuo driaugā karē bova pagoldītė ī lazareta. Pū dviejū nedieliū pū anuo smertėis, svēkatas pareigūnā patvėrtėna, ka ons nomėrė nū kiauliu gripa ė tēp ėšēn, ka kiauliū grips dėdlē prėsėjūngė pri 1918 m. gripa pandemėjės. Kėla panėka, JAV prezėdents Gerald Ford īsakė vakcėnout vėsos JAV gīvėnontios žmuonis, bet diel sonkumu pruogramā ožsėbėngos vakcėnoutė bova tik 24 pruoc. JAV žmuoniū.

2007 m. apėdemėjė Fėlėpėnūs

2007 m. rogpjūtė 20 d. agrėkoltūras departamenta darboutuojē nostatė kiauliu gripa atsėradėma Nueva Ecija ė centrėnie Luzon pruovėncėjuos, Fėlėpėnūs. Ėš vėsū ožsėkrietosiu numėrė mažiau, nego 10 pruoc.

2009 m. kiauliu gripa apėdemėjė

 

2009 m. vasarė mėnesie La Gloria miestelie, Meksėkuo, žmuonis pradė̄jė jaustėis bluogā nū mėsterėškas kvėpavėma sėstemas lėguos. Mėslėnama, ka Edgar Hernández Hernández, 4 mėtū vāks, katrs pū tuon pasvēka, bova pėrmuojė 2009 m. kiauliu gripa apėdemėjės auka . Balondė 13 dėina Meksėkuo nomėrė pėrms žmuogos, katrs sėrga kiauliu gripu.

Svieta svēkātas uorganėzacėjė ėšlēda ėspėjėma aple "I gripa panaše lėga JAV ė Meksėkuo" ė patvėrtėna, ka ton valsībies žmuonis serg "Kiauliu gripa A/H1N1 vėrosā atmaina, katra nie bovosė ožregėstrouta kiaulies aba žmuonies" .

2009 m. balondė mienese pabėnguo prasdiejė kiauliu gripa apėdemėjė Meksėkuo ė ėšplėta vėsam svietė (vėsū pėrma - JAV, Kanaduo ė JK). Per 2009 m. kuova ė balondė mienesios Meksėkuo kiauliu gripu ožsėkrėite aple 1000 žmuoniū .

Nū kiauliu gripa mėrė daugiau, kāp 150 žmuoniū Meksėkuo.

Balondė 26 d.

2009 m. balondė 26 d. aple 8 adīna vakara, Naujuosės Zelandėjės svēkatas mėnėstros pranešė, ka 22 muokslėivē, pargrīžtontės ėš keliuonės ī Meksėka tor ī grėpa panašios sėmptuomos (dėdliausē tėkėma, ka anėi serg kiauliu gripo). Ėš 13 patėkrėntū muokėniū 10 sėrga A tėpa grėpo ė truopnē mėslėnama, ka anėi serg kiauliu gripo. Naujuojie Zelandėjuo rekuomenduonama pasėjotos, ka gali sėrgte grėpo, grētā ēt pas dakatra.

Palē Kanadas spauda, Kanaduo ožregėstruotė 5 žmuonis sergontės kiauliu gripo. Do īr Brėtū Kuolombėjuo, ė trīs Naujuojie Škuotėjuo. Naujuosės Škuotėjės vėituos valdė praneš, ka 4 stodentā serg kiauliu gripo.

Balondė 27 d.

Pėrms lėguos nuotėkėms patvėrtėnts Almansuo, Ėspanėjuo. Tas bova pėrms ožregėstrouts notėkėms Euruopuo.

Svieta svēkatas uorganėzacėjės vaduovs ėšlēda pranešėma, ka pandemėjės sovaldīms nabie galėms ė pandemėjės pavuojo pakielė nū 3 lėgė 4 līge .

Pėrmė̄jė do lėguos notėkėmā ožregėstroutė Škuotėjuo, JK.

Balondė 28 d.

Balondė 28 d. pėrmasės lėguos atvejis patvėrtėnts Izralie, vėiniuolėka - Naujuojė Zelandėjuo. Papėlduoma 4 sosėrgėma notėkėmos patvėtrtėna Kanada, 1 - Ėspanėjė, 1 - Kuosta Rika.

Balondė 29 d.

Patvėrtīnta, ka mėrė 23 mienesiū vāks Teksasa valstėjuo, ons bova pėrms žmuogos, katras mėrė nū kiauliu gripa JAV.

2009 m. bėrželė 27 d. bova paskelbta, ka 37 metū tauragėškis pargrīžės ėš Indėjės ožsėkrietė lengva kiaulių gripa puorma. 2009 m. Lietovuo paskelbta gripa epidemėjė. Do prietelē mėrė.

Šėtam straipsnie īr gausoms žemaitėškas rašības ė gramatėkas klaidū Prašuom pataisītė klaidas ė paskum ėštrėntė šėta pranešėma

Rekuomenduonamė standartėnē kuovuos so gripu būdā, kāp nuognos ronkū pluovėms so moilo ė undenio, katram īr alkuoguole pagrīno sokortu antebaktereniu priemouniu, īpatingās parejos ėš lauka. Žmuonis tor stengtėis nalėist našvariuom ronkuom vėida, bornas, nousėis. Kuosėt i nuosenes vuo prėkuosėta nuosene ėšmest i šiokšliū diežale ė grētā ēt plaut ronku

Kiauliu gripa žėmėilapis par Google Earth