Malvaceae: Pamilia ti mulmula

Malvaceae
	Malva parviflora
Taksonomia
Pagarian:	Plantae
Klado:	Tracheophytes
Klado:	Angiospermae
Klado:	Eudicotidae
Klado:	Rosids
Urnos:	Malvales
Pamilia:	Malvaceae; Juss.
Dagiti subpamilia
	Bombacoideae; Brownlowioideae; Byttnerioideae; Dombeyoideae; Grewioideae; Helicteroideae; Malvoideae; Sterculioideae; Tilioideae;
Kapada a nagan
	Bombacaceae Kunth; Brownlowiaceae Cheek; Byttneriaceae R.Br.; Dombeyaceae Kunth; Durionaceae Cheek; Helicteraceae J.Agardh; Hermanniaceae Marquis; Hibiscaceae J.Agardh; Lasiopetalaceae Rchb.; Melochiaceae J.Agardh; Pentapetaceae Bercht. & J.Presl; Philippodendraceae A.Juss.; Plagianthaceae J.Agardh; Sparmanniaceae J.Agardh; Sterculiaceae Vent.; Theobromataceae J.Agardh; Tiliaceae Juss.;

Nasayaat nga ammo a kamkameng iti nangruna iti ekonomia ket mangiraman ti okra, kapas, kakaw ken durian. Adda pay dagiti sumagmamano a henero nga aglaon kadagiti ammo nga ornamental, a kas ti Alcea (hollyhock), Malva (malba) ken ti Lavatera (malba a kayo). Dagiti kadakkelan a henero iti termino ti bilang dagiti sebbangan ket mairaman ti gumamela (300 a sebbangan), Sterculia (250 a sebbangan), Dombeya (250 a sebbangan), Pavonia (200 a sebbangan) ken ti Sida (200 a sebbangan).

Taksonomia ken nomenkatura

Kontrobersial ti panangigawid ti Malvaceae. Ti tradisional a Malvaceae sensu stricto ket buklen dagiti agpapada unay ken kladistiko a monopiletiko a grupo. Ti sabali pay a nangruna panangigawid, ti Malvaceae sensu lato, ket ad-adun a kaudian a naipalawag iti batayan dagiti molekular a pamay-an ket nakaipakita kadagiti kadawyan a mabigbigan a pamilia ti Bombacaceae, Tiliaceae,ken Sterculiaceae, a kankanyonen a naikeddeng nga asideg a maikuyog iti Malvaceae s.s., ket saan dagitoy a monopiletiko a grupo. Isu a, ti Malvaceae ket mabalin a maipadakkel a mangiraman amin kadagitoy a pamilia tapno mangbukel ti monopiletiko a grupo. Ti panagampon iti daytoy a panangigawid, mangitipon ti Malvaceae iti maysa a dakdakkel a bilang dagiti henero.

Dagiti subpamilia

Daytoy nga artikulo ket naibatay iti maikadua a panangigawid , kas inpresenta babaen ti Angiosperm Phylogeny Website. Buklen ti Malvaceae s.l. (kalpasan daytoy ket simple laeng a "Malvaceae") dagiti siam a subpamilia. Maipakita ti maysa a tentatibo a kladograma ti pamilia dita baba. Mangibaga ti diamante ti saan a nasayaat a nasuportaran a pannakaisanga (<80%).

	Byttnerioideae: 26 a henero, 650 a sebbangan, pan-tropikal, naipangpangruna idiay Abagatan nga Amerika

	Grewioideae: 25 genera, 770 species, pan-tropical

♦

Sterculioideae: 12 a henero, 430 a sebbangan, pan-tropikal

Tilioideae: tallo a henero, 50 a sebbangan, dagiti akin-amianan a temperado a rehion ken Tengnga nga Amerika

Dombeyoideae: agarup a 20 a henero, agarup a 380 a sebbangan, palaeo-tropikal, a naipangpangruna idiay Madagascar ken Mascarenes

Brownlowioideae: walo a henero, agarup a 70 a sebbangan, naipangpangruna iti palaeo-tropikal

Helicteroideae: walo aginggana iti 12 a henero, 10 aginggana dagiti 90 a sebbangan, tropikal, naipangpangruna idiay Abagatan a daya nga Asia

♦

	Malvoideae: 78 a henero, 1,670 a sebbangan, temperado aginggana iti tropikal

	Bombacoideae: 12 a henero, 120 a sebbangan, tropikal, naipangpangruna idiay Aprika ken Amerika

Nangruna nga ibaga a dagiti pagbaetan a pannakaikabagian dagitoy a subpamilia ket mabalin a saan a nasayaat a nasuportaran wenno gangani a kompleto a nalemmeng. Adda dagiti agtulytuloy a di pagkikinnaawatan kadagiti husto a panangigawid kadagitoy a subpamilia, mairaman ti preserbasion ti pamilia, ti Bombacaceae. Ti panangigawid ti pamilia ket mabalin a nakaro nga agbaliw intono maipablaak dagiti baro a panagadal.

No agbirbiruk iti pakaammo a maipanggep iti tradisional a Malvaceae s.s., maisingasing a kitaen ti Malvoideae, ti subpamilia nga agarup a maitunos iti dayta a grupo.

Sinapomorpia

Ti pagbaetan a pannakaikabagian dagiti pamilia ti "bugas a Malvales" a nausar idi a mangipalawag iti batayan dagiti pagbibingayan nga "apinidad ti malbeano." Dagitoy ket nangriraman ti kaadda ti malba a ngipen, dagiti ungkay nga agraman kadagiti musilago a kanal, ken estratipikado a sukog-kalso a ploema. Problematiko dagitoy nga apinidad gapu ta saanda kankanayon a maibingay iti kaunegan dagiti bugas pamilia. Dagiti kumaudian a panagadal ket nangipakita ti nakarkaro a nalawag a sinapomorpia iti kaunegan ti Malvaceae s.l.. Dagiti sinapomorpia a nailasin iti kaunegan ti Malvaceae s.l. mairaman ti kadda dagiti baldos a selula, trichomatous nectaries, ken ti estruktura nga inploressensia a tinawtawagan iti yunit a dua-maris. Buklen dagiti baldosa a slula dagiti naipuesto iti bertikal a selula a naibaetbaet ken agpada iti dimension aginggana kadagiti prokumbento a raya a selula. Ti ebidensia dagiti posil ti kayo ti Malvean ket nagpasingked ti ebolusionario a silpoda iti Malvaceae s.l., ken nangipalawag pay ti agdumaduma nga estruturada. Dagiti sabong ti Malvaceae s.l. ket mangipakita iti nectaries a mangbukel iti napusek a naurnos nga adu tiselulana a buok a maipada kadagiti trikoma. Iti kaaduan ti Malvaceae s.l., Dagitoy a trikomato a nectaries let mabirukan iti akin-uneg a rabaw dagiti sepalio, ngem dagiti sabong ti subpamilia, ti Tiliodeae, ket addaan pay kadagiti nectaries iti petalio. Dagiti sabong ti Malvea ket makibinningayda pay iti maysa a mangikaykaysa nga estruktura nga ammo a kas ti maysa a yunit ti dua-maris, a nanaganan iti naiyuna a pannakaduktal kadagiti sabong ti Theobroma bicolor. Ti yunit ti dua-maris ket buklen iti maysa a naurnos nga inploresensia nga agraman kadagiti estruktuda ti braktea cymose. Ti inploresensiaket mabalin nga agsanga manipud iti nangruna nga aksis, nga agpartuat kadagiti sabali nga urnos dagiti sabong, a ti umuna nga agrang-ay ket ti nangruna nga aksis. Dagiti espesialado a iti pedunkulo ket gumay-at iti sirok ti sabong kadagiti katunaynay nga uggot nga agbalin kadagitoy a lateral nga ungkay. Ti maysa a braktea iti kaunegan iti daytoy a rip-ong ket maysa a di nabunga a braktea. Ti yunit ti dua-maris ket agdumaduma nga estruktura iti karikut, ngem ti kaadda dagiti nabunga ken di nabunga a braktea ket maysa a nangruna a karakter.

Deskripsion

Kaaduan dagiti sebbangan ket dagiti hierba wenno dagiti bassit a mula, ngem adda met dagiti kayo ken dagiti liana.

Kitaen pay

Florissantia, ti maysa nga awanen a henero ti Cenozoic

Dagiti nagibasaran

Baum, D. A.; W. S. Alverson; R. Nyffeler (1998). "A durian by any other name: taxonomy and nomenclature of the core Malvales". Harvard Papers in Botany. 3: 315–330.
Baum, D. A.; Dewitt Smith, S.; Yen, A.; Alverson, W. S.; Nyffeler, R.; Whitlock, B. A.; Oldham, R. L. (2004). "Phylogenetic relationships of Malvatheca (Bombacoideae and Malvoideae; Malvaceae sensu lato) as inferred from plastid DNA sequences". American Journal of Botany. 91 (11): 1863–1871. doi:10.3732/ajb.91.11.1863. PMID 21652333.
Bayer, C. (1999). "Support for an expanded family concept of Malvaceae within a recircumscribed order Malvales: a combined analysis of plastidatpB andrbcL DNA sequences". Botanical Journal of the Linnean Society. 129 (4): 267–303. doi:10.1006/bojl.1998.0226.
Bayer, C. and K. Kubitzki 2003. Malvaceae, pp. 225–311. In K. Kubitzki (ed.), The Families and Genera of Vascular Plants, vol. 5, Malvales, Capparales and non-betalain Caryophyllales.
Edlin, H. L. (1935). "A Critical Revision of Certain Taxonomic Groups of the Malvales Part Ii1". New Phytologist. 34 (2): 122–143. doi:10.1111/j.1469-8137.1935.tb06834.x.
Judd, W. S.; Manchester, S. R. (1997). "Circumscription of Malvaceae (Malvales) as Determined by a Preliminary Cladistic Analysis of Morphological, Anatomical, Palynological, and Chemical Characters". Brittonia. 49 (3): 384–405. doi:10.2307/2807839. JSTOR 2807839.
Maas, P. J. M. and L. Y. Th. Westra. 2005. Neotropical Plant Families (3rd edition).
Perveen, A.; Grafström, E.; El-Ghazaly†, G. (2004). "World Pollen and Spore Flora 23. Malvaceae Adams. P.p. Subfamilies: Grewioideae, Tilioideae, Brownlowioideae". Grana. 43 (3): 129. doi:10.1080/00173130410000730. ISSN 0017-3134.
Tate J. A.; J. F. Aguilar; S. J. Wagstaff; J. C. La Duke; T. A. Bodo Slotta; B. B. Simpson (2005). "Phylogenetic relationships within the tribe Malveae (Malvaceae, subfamily Malvoideae) as inferred from ITS sequence data" (PDF). American Journal of Botany. 92 (4): 584–602. doi:10.3732/ajb.92.4.584. PMID 21652437. (abstract online here Naiyarkibo 2010-06-26 iti Wayback Machine).
Alverson, William S.; Whitlock, Barbara A.; Nyffeler, Reto; Bayer, Clemens; Baum, David A. (1999). "Phylogeny of the core Malvales: evidence from ndhF sequence data". American Journal of Botany. 86 (10): 1474–1486. doi:10.2307/2656928. JSTOR 2656928.

Dagiti akinruar a silpo

Dagiti midia a mainaig iti Malvaceae iti Wiki Commons
Dagiti datos a mainaig iti Malvaceae iti Wikispecies

Malvaceae.info: Ladladawan ti Malvaceae
Topwalks.net: Malvaceae
Tree of Life.org: Core Malvales Naiyarkibo 2007-07-13 iti Wayback Machine
HEAR.org — Malvaceae: mulmula ti Hawaii — ladladawan.
GREIF Flora: Malvaceae ti Mongolia Naiyarkibo 2015-04-13 iti Wayback Machine

This article uses material from the Wikipedia Ilokano article Malvaceae, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.