80°00′W / 22.000°N 80.000°W / 22.000; -80.000
Ti Kuba, opisial a ti Republika ti Kuba, (Espaniol: República de Cuba) ket maysa nga isla a pagilian idiay Karibe. Ti pagilian iti Kuba ket buklenna ti kangrunaan nga isla iti Kuba, ti Isla de la Juventud, ken dagiti nadumaduma a purpuro. Ti Havana ket isu ti kadakkelan a siudad idiay Kubá ken ti kapitolio iti daytoy a pagilian. Ti Santiago de Cuba ket isu ti maikadua a kadakkelan a siudad. Iti amianan ti Kuba ket naisanglad ti Estado Unidos (90 a milia ti kaadayona) ken ti Bahamas, Mehiko ket addaan iti laud, ti Is-isla ti Cayman ken Hamaika ket adda iti abagatan, ken Haiti ken ti Dominikano a Republika ket adda iti abagatan a daya.
Republika ti Kuba República de Cuba (Espaniol) | |
---|---|
Napili a pagsasao: Patria o Muerte (iti Espaniol) "Pagilian wenno Patay" | |
Nailian a kanta: La Bayamesa Kanta ti Bayamo | |
Kasasaad | kliente nga estado iti Estados Unidos |
Kapitolio ken kadakkelan a siudad | Havana 23°8′N 82°23′W / 23.133°N 82.383°W |
Opisial a sasao | Espaniol |
Grupgrupo ti etniko | 65.1% Puraw, 10.1% Aprikano, 24.8% Mulato ken Mestiso |
Nagan dagiti umili | Kubano |
Gobierno | Unitario a republika, Sosialista nga estado |
• Presidenta ken Primero | Miguel Díaz-Canel |
• Umuna a Bise Presidente | Salvador Valdés Mesa |
• Umuna a Sekretario iti Partido Komunista | Raúl Castro |
• Presidente ti Nailian a Gimong | Esteban Lazo Hernández |
Pannakawayawayas manipud iti Espania/Estados Unidos | |
• Nairangarang | Oktubre 10, 1868 manipud iti Espania |
• Nairangarang ti Republika | Mayo 20, 1902 manipud iti Estados Unidos |
• Rebolusion ti Kuba | Enero 1, 1959 |
Kalawa | |
• Dagup | 109,884 km2 (42,426 sq mi) (Maika-105) |
• Danum (%) | negligible |
Populasion | |
• Karkulo idi 2010 | 11,241,894 (Maika-73) |
• Senso idi 2002 | 11,177,743 |
• Densidad | 102.3/km2 (265.0/sq mi) (Maika-106) |
GDP (PPP) | Karkulo idi 2010 |
• Dagup | $114.1 bilion (Maika-63) |
• Tunggal maysa a tao | $9,900 (Maika-86) |
GDP (nominal) | Karkulo idi 2010 |
• Dagup | $57.49 bilion (Maika-68) |
• Tunggal maysa a tao | $5,100 (Maika-90) |
Gini (2000) | 38.0 kalalainganna |
HDI (2013) | 0.815 nangato unay · Maika-44 |
Kuarta | Pisos ti Kuba(CUP ) Mabaliwan a pisos ti KUba (CUC) |
Sona ti oras | UTC−5 (CST) |
• Kalgaw (DST) | UTC−4 (CDT) |
Pagmanehuan | kanawan |
Kodigo ti panagtawag | +53 |
TLD ti internet | .cu |
Idi 1492, Christopher Columbus ket simmanglad ken tinuntonna ti isla a tattan ket tagikuaen ti Kubá, para iti Pagarian iti Espania. Ti Kuba ket nagtalinaed a teritorio iti Espania aginggana idi nagpatingga ti Espania–Amerikano a Gubat idi 1898, ekn nakaala ti pormal a panakawayawaya manipud iti Estados Unidos idi 1902. Ti maysa a narukop a demokrasia, a kaaduan nga iturayan dagiti radikal a politika ket rimsua, a pinatangken babaen ti Kubano a batay-linteg iti 1940, ngem daytoy ket napernekan idi 1952 babaen ti dati a presidente a ni Fulgencio Batista, ken naipatakder ti maysa nga autoritario turay, a daytoy ket nagpaadu kadagiti kadaksan, panagpasardeng kadagit politika ken panagpalad kadagiti pagalagadan ti ekomonia. ni Batista ket kanungpalan a naikkat idi Enero 1959 babaen ti Hulio 26 a tignay, ken ti maysa a baro nga administrasion ket naipatakder babaen ni Fidel Castro, a babaen idi 1965 ket nagbalin a ti maysa a partido nga estado babaen ti napaungar a ti Partido Komunista ti Kuba, nga agturturay pay laeng iti tatta nga aldaw.
Ti Kuba ket pagtaengan ti sumurok a 11 a riwriw a tattao ken isu daytoy ti kaaduan ti populasion nga isla a pagilian idiay Karibe, ken isu pay ti kadakkelan babaen ti kalawa ti lugar. Dagiti tattao, kultura, ken dagiti tinawtawid ket nakaala manipud kadagiti nadumaduma a nagtaudan, a kas kadagiti aborihinal a Taíno ken Ciboney a tattao, ti panawen iti Espaniol a kolonialismo, ti pinakayammo iti Aprikano a tagtagabu ken ti kinaasidegna iti Estados unidos.
Ti Kuba ket addaan ti 99.8% a bilang dagiti makabasa ken makasurat, ti nababa a bilang dagiti panakatay ti maladaga ngem dagiti dadduma a naparang-ay a pagilian, ken ti natimbengan a panagnamnama ti biag iti 77.64. Idi 2006, ti Kubá ket isu laeng ti agmaymaysa a pagilian a nakasabat ti WWF a panagilawlawag iti nasaranay a panagrangrang-ay; nga addaan ti maysa a ekolohikal a tugot iti basbassit ngem 1.8 hektarea tunggal maysa a tao ken maysa a Pagsurotan ti Panagrangrang-ay ti Nagtagitaon iti sumurok a 0.8 para iti 2007.
Ti nagan a Kuba ket nagtaud manipud iti pagsasao a Taíno. Ti husto a kaibuksilan ti nagan ket saan a nalawag ngem mabalin maipatarus a kas idiay kaaduan ti nalames a dagaw (cubao), wenno nalatak a lugar (coabana).Dagiti mannurat a namatmati a ni Christopher Columbus ket Portuges et nangibagbaga a ti Cuba ket ninaganan babaen ni Columbus para iti taga-ugma nga ili ti Kuba idiay distrito ti Beja idiay Portugal.
Ti Kuba ket tinataengan idi ti tattao aPatneng nga Amerikano a naamammuan akas dagiti Taíno, a tinawtawagan pay ti Arawak babaen dagiti Espaniol, ken Guanajatabey kenn tattao a Ciboney sakbay ti isasangpet dagiti Espaniol. Ti tinaudan dagitoy a Patneng nga Amerikano ket nagtaudda manipud iti nangruna adaga iti Amianan, Tengnga ken Abagatan nga Amerika kadagiti adu a nasapsapa a siglo . Dagiti patneng a Taíno ket tinawtawaganda ti isla iti Caobana. TDagidi Taíno ket mannalon ken dagidi Ciboney ken mannalon, mangngalap ken agananup-agburburas.
Dagiti midia a mainaig iti Kuba iti Wiki Commons
Pakaammo ti panagbiahe idiay Kuba manipud iti Wikivoyage (iti Ingles)
Wiki Atlas iti Cuba
This article uses material from the Wikipedia Ilokano article Kuba, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.