«Տիրամայրը մանկան հետ» հայ նկարիչ Վարդգես Սուրենյանցի նկարը, որը գտնվում է Գյումրու Սուրբ Յոթ Վերք եկեղեցու խորանի կենտրոնական մասում։ Դասվում է Վարդգես Սուրենյանցի եկեղեցական թեմաներով աշխատանքների շարքին։
Տիրամայրը մանկան հետ | |
---|---|
տեսակ | կտավ |
նկարիչ | Վարդգես Սուրենյանց |
տարի | 1891 |
բարձրություն | 241 սանտիմետր |
լայնություն | 135 սանտիմետր |
ժանր | հոգևոր արվեստ |
նյութ | յուղաներկ |
գտնվում է | Հայաստան |
հավաքածու | Սուրբ Յոթ Վերք |
Ծանոթագրություններ |
Հեղինակն այն վրձնել է հավանաբար 1891 թվականին։ Նկարը յուղաներկ է, 241x135 չափսերով։ Վերջին շրջանում այն ենթարկվել է նորոգման, մաքրվել է տարիների րնթացքում նրա վրա առաջացած մուրը։ Նկարի ներքևի հատվածում կա պատվիրատուի անունը և թիվը բացահայտող մի արձանագրություն, որը հավանաբար արել է նկարչը՝ «Պատկերս յիշատակ է Ալեքսանդրապոլ ք-քի Եոթվիրաց Ածածնի Սբ. Եկեղեցիոյս օր։ Դշխուհի Խաչատրեան Ասլանեանից թուին տն` 1891 եւ հց` ՌՅԽ»։
Երիտասարդ Տիրամայրը նստած է քանդակազարդ գահին, ձախ ծնկին նստեցրած պահում է մանուկ Քրիստոսին, պարզ ու անմեղ հայացքով նայում է դիտողին։ Նկարի վերանորոգումից հետո Տիրամոր դիմագծերի և նրա ձեռքի մոդելավորման մեջ նկատվել են որոշ փոփոխություններ, սակայն կերպարը պահպանում է իր սկզբնական խորհրդավորությունը։ Տիրամոր զգեստի և կապույտ թավշյա թիկնոցի զարդերը տիպիկ են հայկական զարդարվեստին։
This article uses material from the Wikipedia Հայերեն article Տիրամայրը մանկան հետ (Սուրենյանց), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.