«Մեդեա» (ռուս.՝ «Медея»), 2021 թվականի ռուսական գեղարվեստական ֆիլմ, որը նկարահանել է սցենարիստ և ռեժիսոր Ալեքսանդր Զելդովիչը։ Ֆիլմն ընդգրկվել է Լոկառնո-2021 միջազգային կինոփառատոնի հիմնական մրցութային ծրագրում, որտեղ արժանացել է երիտասարդական ժյուրիի մրցանակին՝ «Եվրիպիդեսի ողբերգության տպավորիչ ժամանակակից տարբերակի համար, որը չի խեղաթյուրում նրա պոետիկան։ Ռեժիսուրայի գեղագիտական բծախնդրության, պատկերի մաքրության և հղկվածության, բնապատկերների խիստ գեղեցկության համար, որոնք համապատասխանում են բնօրինակ տեքստի ողբերգական վեհությանը» ։
Երկիր | Ռուսաստան |
---|---|
Ժանր | դրամա |
Լեզու | ռուսերեն |
Ռեժիսոր | Ալեքսանդր Զելդովիչ |
Պրոդյուսեր | Ալեքսանդր Զելդովիչ |
Սցենարի հեղինակ | Ալեքսանդր Զելդովիչ |
Դերակատարներ | Թինաթին Դալաքիշվիլի և Եվգենի Ցիգանով |
Երաժշտություն | Ալեքսեյ Ռետինսկի |
Տևողություն | 139 րոպե |
IMDb | ID 15042204 |
Ֆիլմի սյուժեն ներկայացնում է Եվրիպիդեսի անտիկ ողբերգության ժամանակակից մեկնաբանությունը։ Ֆիլմի հերոսուհին սպանում է հարազատ եղբորը, ինչպես Մեդեան առասպելում։
Երջանկության համար անհնարին գին վճարելով՝ կինը հայտնվում է ծուղակում։ Իրեն դավաճանված զգալով՝ նա վրեժ է փնտրում։
Նկարահանումների հիմնական մասը տեղի է ունեցել Իսրայելում, մի քանի տեսարաններ նկարահանվել են Մոսկվայում։
Կոմպոզիտոր Ալեքսեյ Ռետինսկու երաժշտությունը ֆիլմի համար ձայնագրել է Թեոդոր Կուրենտզիսի MusicAeterna նվագախումբը։
Ֆիլմի զգեստները պատրաստվել են Տատյանա Պարֆյոնովայի նորաձևության տան կողմից։
This article uses material from the Wikipedia Հայերեն article Մեդեա (ֆիլմ, 2021), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.