Հայաստան-Եվրոպական Միություն համապարփակ և ընդլայնված գործընկերության համաձայնագիր (ՀԸԳՀ) (անգլ.՝ Armenia-The EU Comprehensive and Enhanced Partnership Agreement (CEPA)), 2017 թվականի նոյեմբերի 24-ին Բրյուսելում Հայաստանի և Եվրոպական Միության միջև ստորագրված համաձայնագիր։
2018 թվականի ապրիլի 18-ին Հայաստանի խորհրդարանը միաձայն վավերացրեց Հայաստանի և Եվրոպական Միության միջև «Համապարփակ և ընդլայնված գործընկերության մասին» համաձայնագիրը։
Պայմանագիրը ստորագրվել է 2017 թվականին ԵՄ Արևելյան գործընկերության գագաթնաժողովի շրջանակներում։ Հայաստանի կողմից պայմանագիրը ստորագրել է Հայաստանի ԱԳ նախարար Էդվարդ Նալբանդյանը, իսկ ԵՄ կողմից՝ ԵՄ արտաքին քաղաքականության և անվտանգության հարցերով բարձր ներկայացուցիչ Ֆեդերիկա Մոգերինին։ Ստորագրման արարողությանը ներկա էին նաև Հայաստանի նախագահ Սերժ Սարգսյանը և Եվրոպայի Խորհրդի նախագահ Դոնալդ Տուսկը։
Հատկանշական է, որ 2017 թվականի նոյեմբերի 24-ին նախատեսված պայմանագրի ստորագրումից առաջ Հայաստանի ԱԳ նախարար Էդվարդ Նալբանդյանի հրավերով Հայաստան էր այց կատարել ՌԴ ԱԳ նախարար Սերգեյ Լավրովը, ում ընդունել էր նաև Հայաստանի նախագահ Սերժ Սարգսյանը։ Նոյեմբերի 21-ին տեղի են ունեցել Էդվարդ Նալբանդյանի և Սերգեյ Լավրովի բանակցությունները, որոնց արդյունքներով նախարարները հանդես են եկել համատեղ մամուլի ասուլիսով։ Նույն օրը Էդվարդ Նալբանդյանն ու Սերգեյ Լավրովը Հայաստանի Ազգային պատկերասրահում բացել են Հայաստանի և Ռուսաստանի միջև դիվանագիտական հարաբերությունների հաստատման 25-ամյակին նվիրված պատմական լուսանկարների և փաստաթղթերի «Հայաստան-Ռուսաստան. դարերով ստուգված բարեկամություն» խորագրով ցուցահանդեսը։
Անդրադառնալով Հայաստան-ԵՄ համաձայնագրին, նոյեմբերի 24-ին Հայաստանում Ռուսաստանի դեսպան Իվան Վոլինկինը կարծիք է հայտնել, որ «Հայաստանն ինքնիշխան պետություն է և իրավունք ունի մասնակցելու ցանկացած պայմանագրի և միավորման, որոնք չեն հակասում նախկինում ստանձնած պարտավորություններին»։ Միաժամանակ նա ավելացրել է, որ «Հայաստանի անվտանգությունն ապահովելու հարցում ԵՄ-ն չի կարող փոխարինել Ռուսաստանին»։
Երկիր | Վավերացում | Ծանոթագրություն | |
---|---|---|---|
1 | Էստոնիա | 12.01.18 | |
- | Հայաստան | 18.04.18 | |
2 | Լատվիա | 19.04.18 | |
3 | Լիտվա | 24.05.18 | |
4 | Լեհաստան | 05.06.18 | |
5 | Բուլղարիա | 13.06.18 | |
6 | Լյուքսեմբուրգ | 29.06.18 | |
- | Եվրոպայի խորհուրդ (ԵԽ) | 04.07.18 | |
7 | Դանիա | 19.09.18 | |
8 | Մալթա | 04.10.18 | |
9 | Ռումինիա | 18.10.18 | |
10 | Միացյալ Թագավորություն | 18.01.19 | |
11 | Գերմանիա | 04.04.19 | |
12 | Հունգարիա | 15.04.19 | |
13 | Չեխիա | 18.04.19 | |
14 | Ֆինլանդիա | 29.04.19 | |
15 | Շվեդիա | 03.05.19 | |
16 | Սլովակիա | 08.05.19 | |
17 | Կիպրոս | 28.06.19 | |
18 | Իտալիա | 25.09.19 | |
19 | Խորվաթիա | 21.10.19 | |
20 | Սլովենիա | 26.11.19 | |
21 | Իռլանդիա | 04.12.19 | |
22 | Նիդերլանդներ | 12.12.19 | |
23 | Բելգիա | 13.12.19 | |
24 | Ֆրանսիա | 18.12.19 | |
25 | Ավստրիա | 29.05.20 | |
26 | Հունաստան | 07․07․20 | |
27 | Իսպանիա | 23.09.20 |
Հայաստան Եվրոպական Միություն |
This article uses material from the Wikipedia Հայերեն article Հայաստան-ԵՄ համապարփակ և ընդլայնված գործընկերության համաձայնագիր (ՀԸԳՀ), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.