Ավատար 3
«Ավատար 3» (անգլ.՝ Avatar 3), սպասվելիք ամերիկյան էպիկ գիտաֆանտաստիկ ֆիլմ, որի ռեժիսորը, պրոդյուսերը, համահեղինակը և համախմբագիրը Ջեյմս Քեմերոնն է։ Ֆիլմը նախատեսվում է թողարկել 2023 թվականի դեկտեմբերի 22-ին։ Այն 2009 թվականին լույս տեսած «Ավատար» ֆիլմի չորս նախատեսված սիքվելներից երկրորդն է և լինելու է «Ավատար 2» ֆիլմի սիքվելը՝ դառնալով «Ավատար» ֆիլմաշարի երրորդ ֆիլմը։ Հայտարարվել է, որ Քեմերոնն արտադրելու է ֆիլմը Ջոն Լանդաուի հետ, իսկ Ռիք Ջաֆան և Ամանդա Սիլվերը լինելու են սցենարի համահեղինակները։ Սակայն ավելի ուշ հայտարարվել է, որ Քեմերոնը, Ջաֆան, Սիլվերը, Ջոշ Ֆրիդմանը և Շեյն Սալեռնոն մասնակցել են բոլոր սիքվելների սցենարները գրելու գործընթացին, ինչն անհասկանալի է դարձնում այն, թե ով է նշվելու վերջնական տիտրերում։ Դերասաններ Սեմ Ուորթինգտոնը, Զոյի Սալդանան, Սթիվեն Լենգը, Սիգուրնի Ուիվերը, Ջոել Դևիդ Մուրը, ՍիՍիԷյջ Փաունդերը, Դիլիփ Ռաոն և Մեթ Ջերալդը ենթադրաբար կերտելու են առաջին երկրորդ ֆիլմերում իրենց դերերը։ Երկրորդ ֆիլմից իրենց դերերը կրկնելու են Քլիֆ Քուրտիսը, Էդի Ֆալկոն, Բրենդան Քոուելը, Միշել Եոն, Ջեմեյն Քլեմենթը և Ունա Չապլինը։
| Տեղեկությունը այս հոդվածում կամ նրա որոշ բաժիններում հնացել է: Դուք կարող եք օգնել նախագծին՝ թարմացնելով այն և դրանից հետո հեռացնել կաղապարը: |
 անգլ.՝ Avatar 3 | |
|---|---|
| Երկիր |  ԱՄՆ |
| Ժանր | մարտաֆիլմ և ֆանտաստիկ ֆիլմ |
| Թվական | դեկտեմբերի 19, 2025 |
| Լեզու | անգլերեն և նավի |
| Ռեժիսոր | Ջեյմս Քեմերոն |
| Պրոդյուսեր | Ջեյմս Քեմերոն և Ջոն Լանդաու |
| Սցենարի հեղինակ | Ջեյմս Քեմերոն, Ռիկ Ջաֆֆա և Ամանդա Սիլվեր |
| Դերակատարներ | Սեմ Ուորթինգտոն, Զոի Սալդանա, Սթիվեն Լենգ, Սիգուրնի Ուիվեր, Ջոել Մուր, Սիսիէյչ Փաունդեր և Միշել Եո |
| Օպերատոր | Ռասել Քարփինթեր |
| Երաժշտություն | Մաուրո Ֆիորե |
| Մոնտաժ | Դևիդ Բրեններ |
| Նկարահանման վայր | Նոր Զելանդիա |
| Կինոընկերություն | 20th Century Studios և Lightstorm Entertainment |
| Բյուջե | 250 000 000 $ |
| Նախորդ | Ավատար 2 |
| Հաջորդ | Ավատար 4 |
| IMDb | ID 1757678 |
| ԿինոՊոիսկ | ID 570402 |
| Պաշտոնական կայքէջ | |
2017 թվականի օգոստոսի 15-ին «Ավատար 3» ֆիլմը սկսել է նկարահանվել զուգահեռաբար «Ավատար 2»-ի հետ։ Երկու լրացուցիչ սիքվելները սկսելու են նկարահանվել, երբ երկրորդ և երրորդ մասերն ավարտեն հետարտադրությունը։ «Ավատար 4» և «Ավատար 5» ֆիլմերը ենթադրաբար լույս են տեսնելու համապատասխանաբար 2025 թվականի դեկտեմբերի 19-ին և 2027 թվականի դեկտեմբերի 17-ին։
Դերասանական կազմ
- Նա'վի
- Սեմ Ուորթինգտոն՝ Ջեյք Սալի, նախկին մարդ, որը սիրահարվել է Նեյթիրիին և ընկերացել է Նա'վիի հետ, դառնալով Ավատար ծրագրի մի մասը, ինչից հետո պայքարել է իրենց կողմից մարդկանց դեմ և, ի վերջո, հաղթանակ տարել։ Առաջին ֆիլմի վերջում նա դառնում է Օմատիկայայի (պատմության մեջ Նա'վիի կենտրոնական կլան) առաջնորդը և ընդմիշտ տեղափոխում է իր բանականությունն իր ավատարի մեջ։
- Զոյի Սալդանա՝ Նեյթիրի, Ջեյքի կին և կլանի նախորդ ղեկավարի դուստր։
- ՍիՍիԷյջ Փաունդեր՝ Մո'ատ, Օմատիկայայի հոգևոր առաջնորդ և Նեյթիրիի մայր։
- Քլիֆ Քուրտիս՝ Տոնովարի, Մեթքեյնա ռիֆային ժողովրդի կլանի առաջնորդ։
- Դևիդ Թյուլիսի դերը դեռ չի բացահայտվել։ Թեև այն գաղտնի է պահվում կերպարի բնույթի պատճառով, Թյուլիսը նշել է, որ «շատ բան ունի անելու [ֆիլմերում]», որ իրա դերը շարժական գրաֆիկա է պահանջում և, որ այն ընդգրկվելու է «Ավատար» ֆիլմաշարի երրորդ, չորրորդ և հինգերորդ ֆիլմերում։ 2020 թվականի հունվարին նա նշել է, որ իր կերպարը Նա'վի է։
- Մարդիկ
- Ջոել Դևիդ Մուր՝ բժիշկ Նորմ Սփելման, Ավատար ծրագրի նախկին մաս, որն առաջին ֆիլմում ընդունել է Նա'վիի կողմը։
- Մեթ Ջերալդ՝ կապրալ Լայլ Ուեյնֆլիթ, զինվոր, որն ատում է Նա'վի ժողովրդին։
- Ջիովանի Ռիբիզի՝ Փարքեր Սելֆրիջ, RDA ընկերության կորպորատիվ ադմինիստրատորն առաջին ֆիլմում։
- Դիլիփ Ռաո՝ բժիշկ Մաքս Փաթել, գիտնական, որն աշխատել է Ավատար ծրագրում և որոշել է աջակցել Ջեյքին RDA-ի դեմ վերջինիս ապստամբության ժամանակ։
- Էդի Ֆալկո՝ գեներալ Արդմոր, հրամանատար, որը պատասխանատու է RDA-ի շահերի համար։
- Բրենդան Քոուել՝ Միք Սքորսբի, Պանդորայում որսորդական նավի կապիտան։
- Միշել Եո՝ բժիշկ Կարինա Մոգ։
- Ջեմեյն Քլեմենթ՝ բժիշկ իան Գարվին։
- Անհայտ
- Սթիվեն Լենգ՝ գնդապետ Մայլզ Քուորիչ, որն առաջնորդել է իր մարդկանց Նա'վիի հետ հակամարտությանը։ Թեև կերպարը մահացել է «Ավատար» ֆիլմի վերջում, 2010 թվականին Քեմերոնը հաստատել, որ Լանգը վերադառնալու է առաջին երեք սիքվելներում, ասելով․ «Ես չեմ պատրաստվում ասել, թե ինչպես ենք մենք նրան հետ բերելու, բայց, վերջիվերջո, սա գիտաֆանտաստիկ պատմություն է։ Նրա կերպարն ընդգրկվելու է մեր նոր երեք ֆիլմից բաղկացած շարքի սյուժետային գծի իսկապես անսպասելի մասերում»։ Ավելի ուշ նա հայտնել է, որ Քուորիչը կրկին հանդես է գալու որպես բոլոր չորս սիքվելների գլխավոր անտագոնիստ։
- Սիգուրնի Ուիվեր՝ Ուիվերն ի սկզբանե նկարահանվել է առաջին ֆիլմում բժիշկ Գրեյս Օգուստինի դերում՝ մի մարդու, որն ընտրել է Նա'վիի կողմը և մահացել է հակամարտության ընթացքում։ Թեև ինչպես Քեմերոնը, այդպես էլ Ուիվերը հաստատել են, որ վերջինս վերադառնալու է սիքվելներում, 2014 թվականին Սիգուրնին հայտնել է, որ չի կերտելու նույն կերպարը։
- Ունա Չապլին՝ Վարանգ, «ուժեղ և վառ կենտրոնական կերպար, որը մասնակցու է ֆիլմաշարի բոլոր սիքվելներում»։
Արտադրություն
2017 թվականի հուլիսի 31-ին հայտարարվել է, որ Նոր Զելանդիայում գործունեությունը ծավալող Weta Digital տեսողական էֆեկտների ստուդիան սկսել է աշխատել «Ավատար» ֆիլմի սիքվելների վրա։
Քասթինգ
2017 թվականի օգոստոսին Մեթ Ջերալդը պաշտոնապես պայմանագիր է կնքել առաջին ֆիլմում իր կողմից մարմնավորված կապրալ Լայլ Ուեյնֆլիթի կերպարը հետագա բոլոր սիքվելներում կերտելու համար։ 2017 թվականի օգոստոսին Empire-ի հետ հարցազրույցում Քեմերոնը հայտնել է, որ Սթիվեն Լենգը ոչ միայն վերադառնալու է բոլոր չորս սիքվելներում, այլ լինելու է նաև բոլոր այդ ֆիլմերի հիմնական անտագոնիստը։ 2017 թվականի հոկտեմբերի 3-ին Քեյթ Ուինսլեթը պայմանագիր է ստորագրել, որի համաձայն բոլոր չորս սիքվելներում անորոշ դեր է կատարելու, որը Քեմերոնի կողմից նկարագրվել է որպես «Ռոնալ»։ 2018 թվականի հունվարի 25-ին հաստատվել է, որ Դիլիփ Ռաոն վերադառնալու է բժիշկ Մաքս Փաթելի դերում։
2018 թվականի ապրիլին Դևիդ Թյուլիսը հայտարարել է ֆիլմաշարում իր մասնակցության մասին, հայտնելով, որ նա ընդգրկվելու է չորս սիքվելներից երեքում։ 2020 թվականի հունվարին Թյուլիսն ասել է, որ նրա կերպարը Նա'վի է։ Այս պատճառով Թյուլիսին հաճախ վերագրում էին «Ավատար 2» ֆիլմի դերասանական կազմին, սակայան, 2020 թվականի հունվարին նա հայտնել է, որ նկարահանվելու է միայն վերջին երեք սիքվելներում։
Նկարահանումներ
«Ավատար 2» և «Ավատար 3» ֆիլմերի նկարահանման շրջանները սկսվել զուգահեռաբար 2017 թվականի սեպտեմբերին 25-ին Կալիֆոռնիա նահանգի Մանհեթեն Բիչ քաղաքում։ 2018 թվականի նոյեմբերի 14-ին Քեմերոնը հայտարարել է, որ հիմնական դերասանական կազմի հետ նկարահանումներն ավարտվել են։ Հաջորդ երկու սիքվելների նկարահանումները սկսվելու են, երբ առաջին երկու սիքվելների հետարտադրությունն ավարտվի։
Պրոդյուսեր Ջոն Լանդաուի խոսքով՝ «Ավատար 3»-ի և դրան նախորդող ֆիլմի խաղարկային նկարահանումները սկսվել են Նոր Զելանդիայում 2019 թվականի սկզբին։
2020 թվականի մարտի 17-ին Լանդաուն հայտարարել է, որ «Ավատար»-ի սիքվել ֆիլմերի նկարահանումները Նոր Զելանդիայում սառեցվել են COVID-19 համավարակի պատճառով։ Նա նաև հաստատել է, որ արտադրությունն անցկացվելու է միայն Լոս Անջելեսում։ Սակայն տեսողական էֆեկտների վրա աշխատանքը շարունակվելու է Վելինգտոնում Weta Digital ընկերության կողմից։
Մայիսի սկզբին Նոր Զելանդիայի կառավարությունը հավանություն է տվել առողջապահության և անվտանգության արտադրության արձանագրություններին, ինչը թույլ է տվել վերսկսել նկարահանումները երկրում։ Այնուամենայնիվ ֆիլմի արտադրության անձնակազմը դեռ չի վերադարձել Նոր Զելանդիա։ Մայիսի 31-ին «Ավատար»-ի անձնակազմի մի մասը, ներառյալ Ջեյմս Քեմերոնին, Նոր Զելանդիա մուտք գործելու թույլտվություն է ստացել «զգալի տնտեսական արժեք» ներկայացնող նախագծի համար անհրաժեշտ համարվող օտարերկրացիների համար սահմանային բացառությունների հատուկ կատեգորիայի շրջանակներում։ 2020 թվականի հունիսի 1-ին Լանդաուն իր ինստագրամյան կայքէջում լուսանկար է հրապարակել իր և Քեմերոնի հետ, ցույց տալով, որ նրանք վերադարձել են Նոր Զելանդիա՝ նկարահանումները վերսկսելու համար։ Նոր Զելանդիա նրանց ժամանումից հետո մեկնած նկարահանող խմբի բոլոր 55 անդամները կառավարության հսկողության ներքո 2 շաբաթ ժամանակահատվածով մեկուսացվել են Վելինգտոնի հյուրանոցներից մեկում, նախքան նկարահանումները վերսկսելը։ Այսպիսով «Ավատար 2» և «Ավատար 3» ֆիլմերը դառնալու են առաջին խոշոր հոլիվուդյան բլոկբաստերները, որոնց արտադրությունը վերսկսվել է համավարակի պատճառով հետաձգվելուց հետո։
Թողարկում
20th Century Studios-ը նախատեսում է թողարկել «Ավատար 3» ֆիլմը 2023 թվականի դեկտեմբերի 22-ին՝ 2021 թվականի դեկտեմբերի 17-ին «Ավատար 2» ֆիլմի թողարկումից երկու տարի անց։
Սիքվելներ
«Ավատար 3»-ը 2009 թվականին լույս տեսած «Ավատար» ֆիլմի չորս նախատեսված սիքվելներից երկրորդն է։ «Ավատար 4» և «Ավատար 5» ֆիլմերի թողարկումը նախատեսվում է երրորդ ֆիլմից հետո։
Ծանոթագրություններ
Արտաքին հղումներ
- Պաշտոնական կայք
- «Ավատար 3»(անգլ.) ֆիլմը Internet Movie Database կայքում
This article uses material from the Wikipedia Հայերեն article Ավատար 3, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.