Երգը հասել է Billboard Hot 100 հիթ-շքերթի ութերորդ հորիզոնականին և երկրորդ հորիզոնականին Adult Contemporary հիթ-շքերթում։ Ստրեյզանդի համար սա 1981 թվականից ի վեր առաջին հաջող սինգլն էր, որը հայտնվել է թոփ-10-ում, ինչպես նաև ստացել է ոսկե հավաստագիր։ Այլ երկրներում երգը նույնպես հաջողություն է ունեցել. այն հասել է առաջին հորիզոնականին Իռլանդիայում, երկրորդին՝ Ավստրալիայում և վեցերորդ հորիզոնականին՝ Նոր Զելանդիայում։ Ադամսի հայրենի Կանադայում երգը հասել է 18-րդ հորիզոնականին։
Պաշտոնական տեսահոլովակը ներառում է հատվածներ ֆիլմից, ինչպես նաև կադրեր ֆիլմի նկարահանումներից։
Երգը ներկայացվել է «Օսկար» մրցանակի «Լավագույն երգ ֆիլմի համար» անվանակարգում։ «Օսկարի» 69-րդ արարողության ժամանակ Ստրեյզանդը պետք է հանդես գար այդ երգով, սակայն հրաժարվել է։ Շատերը նրա հրաժարվելը կապել են այն բանի հետ, որ ակադեմիայի անդամները չեն առաջադրել նրա «Հայելին երկու դեմք ունի» ֆիլմը՝ որպես լավագույն ֆիլմ։ Արդյունքում ռեժիսորները դիմել են Նատալի Քոուլին՝ ելույթ ունենալու խնդրանքով, սակայն վերջինս լրջորեն հիվանդացել է շոուի առաջ, և այդ ժամանակ առաջարկել են Սելին Դիոնը (նա նախապատստել է ելույթ «Because You Loved Me» երգով)։ Այդ ժամանակ Ստրեյզանդը մտափոխվել է, բայց պարզվել է, որ նրա փոխարեն արդեն երգելու է Դիոնը։ Այնուամենայնիվ, Բարբրան ներկա է եղել արարողությանը և հաջողություն մաղթել Սելին Դիոնին, սակայն նրա ելույթի ժամանակ հեռացել է դահլիճից։ Դիոնը կատարել էր հենց «I Finally Found Someone» երգը։ Շատ լրատվամիջոցներ անմիջապես սկանդալ են հարուցել երկու պատերազմող երգիչների մասին, սակայն Բարբրան արագ կանխել է ցանկացած սպեկուլյացիա և անձամբ ծանոթանալով Սելին Դիոնի հետ՝ առաջարկել է նրան զուգերգ կատարել։ Նրանց համագործակցությունը վերածվել է «Tell Him» սինգլի։
Հիթ-շքերթներ
Շաբաթական հիթ-շքերթներ | Տարեկան հիթ-շքերթներ Հիթ-շքերթ (1997) | Հորիզոնական | Ավստրալիա (ARIA) | 21 | Բելգիա (Ultratop 50 Flanders) | 42 | Բելգիա (Ultratop 50 Wallonia) | 83 | Canada Adult Contemporary (RPM) | 16 | Եվրոպա (Eurochart Hot 100) | 96 | Շվեդիա (Sverigetopplistan) | 84 | UK Singles (Official Charts Company) | 144 | US Billboard Hot 100 | 53 | Հավաստագրումներ |
Ծանոթագրություններ
This article uses material from the Wikipedia Հայերեն article I Finally Found Someone, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.