Քիոս (հուն․՝ Χίος, Khíos ( լսել)), Հունաստանի՝ մեծությամբ հինգերորդ կղզին։ Գտնվում է Էգեյան ծովում, անատոլիական (փոքրասիական) ափից 7 կիլոմետր հեռավորության վրա։ Թուրքիայից բաժանված է Քիոսի նեղուցով։ Հայտնի է մաստիկա կոչվող բուսական խեժի արտահանմամբ ( այդ նկատի առնելով՝ անվանում են նաև «Մաստիկայի կղզի»)։ Զբոսաշրջիկների ուշադրությունը գրավում են նաև կղզու միջնադարյան գյուղերը, 11-րդ դարի Նեա Մոնի վանքը, որ ընդգրկված է ՅՈՒՆԵՍԿՕ-ի Համաշխարհային ժառանգության հուշարձանների ցանկում։
Քիոս | |
---|---|
Տեսակ | կղզի և պոլիս |
Երկիր | Հունաստան |
Վարչատարածք | Chios Municipality? |
Ամենաբարձր կետ | Profitis Ilias? |
ԲԾՄ | 1297 մետր |
Մակերես | 842,5 կմ² |
Ջրլիցի ափին | Եգեյան ծով |
Վարչականորեն՝ կղզին ձևավորում է մի առանձին համայնք Քիոսի տարածաշրջանային միավորի կազմում, որը մտնում է Հյուսիս-Էգեյան տարածաշրջանի մեջ։ Վարչական կենտրոնը և կղզու գլխավոր քաղաքը նույն՝ Քիոս անվանումը կրող քաղաքն է։ Տեղացիներն իրենց քաղաքն անվանում են Քորա ("Χώρα" բառացիորեն նշանակում է «երկիր», բայց սովորաբար այդպես է անվանվում հունական կղզու ամենաբարձրադիր բնակավայրը կամ մայրաքաղաքը)։
Կղզին համաշխարհային պատմության մեջ հիշատակվում է հույների ազատագրական պատերազմի ժամանակ՝ 1822 թվականին թուրքական զորքերի կողմից այստեղ կազմակերպված Քիոսյան ահավոր կոտորածով, որին զոհ են գնացել տասնյակ հազարավոր խաղաղ բնակիչներ։
Քիոս, Հունաստանի կլիմայական տվյալները | |||||||||||||
---|---|---|---|---|---|---|---|---|---|---|---|---|---|
Ամիս | հունվ | փետ | մարտ | ապր | մայ | հուն | հուլ | օգոս | սեպ | հոկ | նոյ | դեկ | Տարի |
Միջին բարձր °C (°F) | 11 (52) | 11 (52) | 13 (55) | 17 (63) | 22 (72) | 26 (79) | 28 (82) | 28 (82) | 25 (77) | 20 (68) | 16 (61) | 13 (55) | 19.2 (66.5) |
Միջին ցածր °C (°F) | 5 (41) | 5 (41) | 6 (43) | 9 (48) | 13 (55) | 17 (63) | 19 (66) | 19 (66) | 16 (61) | 12 (54) | 9 (48) | 6 (43) | 11.3 (52.4) |
Տեղումներ մմ (դյույմ) | 100 (3.94) | 78 (3.07) | 61 (2.4) | 44 (1.73) | 24 (0.94) | 4 (0.16) | 1 (0.04) | 0 (0) | 8 (0.31) | 23 (0.91) | 55 (2.17) | 122 (4.8) | 520 (20.47) |
աղբյուր: www.weather-to-travel.com |
Վիքիպահեստն ունի նյութեր, որոնք վերաբերում են «Քիոս» հոդվածին։ |
This article uses material from the Wikipedia Հայերեն article Քիոս, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.