Յուրի Մեչիտով: վրացահայ լուսանկարիչ

Յուրի Մեչիտով;
Ծնվել է	մայիսի 10, 1950 (73 տարեկան)
Ծննդավայր	Թբիլիսի, Վրացական ԽՍՀ, ԽՍՀՄ
Քաղաքացիություն	ԽՍՀՄ և Վրաստան
Կրթություն	Վրաստանի տեխնիկական համալսարան
Մասնագիտություն	լուսանկարիչ
Կայք	mechitov.net

Կենսագրություն

Յուրի Միքայելի Մեչիտովը ծնվել է 1950 թվականի մայիսի 10-ին Թբիլիսի քաղաքում։ Լուսանկարել սկսել է 8 տարեկանից։

1972 թվականին ավարտել է Վրաստանի պոլիտեխնիկական ինստիտուտը, լեռնային ինժեներ է։

Առաջին ցուցահանդեսը տեղի է ունեցել Թբիլիսիում 1979 թվականին։ Աշխատել է հիմնականում վավերագրական ժանրում։ Նրա ուսուցիչներն էին նկարիչ Մարկ Պոլյակովը, ռեժիսոր Սերգեյ Փարաջանովը, Վլադիմիր Պիչխաձեն։

Յուրի Մեչիտովը մեծ կինոռեժիսոր Սերգեյ Փարաջանովի բազմաթիվ դիմանկարների հեղինակ է։ Նա աշխատել է որպես լուսանկարիչ ֆիլմերի նկարահանման հրապարակում, 12 տարի նկարահանել է ռեժիսորին և ստեղծել «Սերգեյ Փարաջանով։ Երկխոսության քրոնիկոն» գիրք-ֆոտոալբոմը։ Մեչիտովը լուսանկարել է նաև Փարաջանովի բազմաթիվ ընկերներին և հյուրերին, այդ թվում՝ Անդրեյ Տարկովսկուն, Մարչելո Մաստրոյանիին, Տոնինո Գուերրայինն, Մայա Պլիսեցկայային և այլոց։

Յուրի Մեչիտովը Վրաստանում լուսանկարչության պատմության վերաբերյալ ալբոմի հեղինակներից ու կազմողներից է, իսկ նրա լուսանկարչական դպրոցը Թբիլիսիի այցեքարտ է։

«Հին Թբիլիսիի» Շարդեն փողոցում տեղադրված Սերգեյ Փարաջանովի հուշարձանը քանդակագործ Վաժա Միքաբերիձեն կերտել է Յուրի Մեչիտովի լուսանկարի հիման վրա։

2012 թվականին Յուրի Մեչիտովը եղել է Վրաստանի մշակույթի և հուշարձանների պահպանության նախարարի տեղակալ։

Ցուցահանդեսներ

Յուրի Մեչիտովն անցկացրել է 20 անհատական և 50 խմբակային ցուցահանդեսներ Վրաստանում և արտերկրում։

Պատկերասրահ

Սերգեյ Փարաջանովը՝ Յուրի Մեչիտովի լուսանկարներում

Ծանոթագրություններ

Երկեր

Мечитов Юрий "Сергей Параджанов. Хроника диалога". Тбилиси 2009. ISBN 978-9941-0-1754-4

Արտաքին հղումներ

This article uses material from the Wikipedia Հայերեն article Յուրի Մեչիտով, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.