Մծարա (աբխազերեն՝ Мҵара, վրացերեն՝ მწარა), գյուղ Աբխազիայի Գուդաութայի շրջանում, Գուդաութայից 17 կմ հյուսիս-արևելք, նախալեռնային գոտում։ Գտնվում է ծովի մակարդակից 270 մ բարձրության վրա։
Գյուղ | ||
---|---|---|
Մծարա | ||
աբխ.՝ Мҵара, վրաց.՝ მწარა | ||
Երկիր | Աբխազիա | |
Մունիցիպալիտետ | Գուդաութայի մունիցիպալիտետ | |
ԲԾՄ | 270 մ | |
Պաշտոնական լեզու | աբխազերեն և ռուսերեն | |
Բնակչություն | 383 մարդ (2011) | |
Ազգային կազմ | Հայեր | |
|
Մծարա գյուղը հանդիսանում է Մծարայի գյուղական խորհրդի կենտրոնը, որը միավորում է թվով 6 գյուղակ։ Այդ գյուղերը, որոնք մոտ են Բզիբի լեռնաշղթային, ավանդաբար ունեն Վերին Մծարա, իսկ հարթավայրային գյուղերը` Ներքին Մծարա անվանումները։
1959 թվականի տվյալներով, գյուղում բնակվում էր 447 մարդ (այդ թվում, Ներքին Մծարայում` 348 մարդ, իսկ Վերին Մծարայում` 99 մարդ), հիմնականում հայեր, իսկ Մծարայի գյուղական խորհրդի տարածքում` 1273 մարդ, կրկին հիմնականում հայեր։ 1989 թվականի տվյալներով Մծարայի գյուղական խորհրդի տարածքում ապրում էր 793 մարդ, բուն Մծարայում` 398 մարդ (Ներքին Մծարայում` 254 մարդ, Վերին Մծարայում` 144 մարդ), հիմնականում հայեր և աբխազներ։
2011 թվականին Մծարայի գյուղական խորհրդի տարածքում ապրում էր 383 մարդ, որից 337 (88,0%) - հայեր, 29 (7,6%) - աբխազներ, 15 (3,9%) - ռուսներ, 2 (0,5%) - հույներ։
Հաշվառման տարեթիվ | Բնակչության թվաքանակ | Էթնիկ կազմ |
---|---|---|
1886 | 499 | հայեր 100% |
1926 | 1.269 | հայեր 88,9%; ռուսներ 3,5%; հույներ 1,2% |
1959 | 1.273 | հայեր (կոնկրետ տվյալներ չկան) |
1989 | 793 | հայեր, հույներ 25% Վերին Մծարայում |
2011 | 383 | հայեր (88,0 %), աբխազներ (7,6 %), ռուսներ (3,9 %), հույներ (0,5 %) |
1881 թվականից ի վեր, երբ Սամսունից եկած հայերի կողմից հիմնադրվել էր Մծարան, այն դարձել էր Աբխազիայի առաջին հայկական կանոնավոր գյուղը։ 1879 թվականի հոկտեմբերին եկել էր համշենահայերի 20 ընտանիք, իսկ մեկ տարի անց ևս 117 մարդ։ 2004 թվականին, Աբխազիայում նշվել է հայկական Մծարա գյուղի 125-ամյակը։
This article uses material from the Wikipedia Հայերեն article Մծարա, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.