Կուրտ Վեստերգոր (դան․՝ Kurt Westergaard, հուլիսի 13, 1935(1935-07-13), Døstrup, Mariagerfjord Municipality, Հյուսիսային Դանիա տարածաշրջան, Դանիա - հուլիսի 14, 2021(2021-07-14), Կոպենհագեն, Դանիա), դանիացի ծաղրանկարիչ։
Կուրտ Վեստերգոր դան․՝ Kurt Westergaard | |
---|---|
Կեղծանուն | KW |
Ծնվել է | հուլիսի 13, 1935 |
Ծննդավայր | Døstrup, Mariagerfjord Municipality, Հյուսիսային Դանիա տարածաշրջան, Դանիա |
Վախճանվել է | հուլիսի 14, 2021 (86 տարեկան) |
Մահվան վայր | Կոպենհագեն, Դանիա |
Քաղաքացիություն | Դանիա |
Կրթություն | Ranum Seminarium? |
Դավանանք | աթեիզմ |
Մասնագիտություն | կոմիքսների հեղինակ, նկարիչ, ծաղրանկարիչ, խմբագրականի ծաղրանկարիչ և լրագրող |
Թեմաներ | Ծաղրանկար, political cartoon? և ժուռնալիստիկա |
Պարգևներ | |
Kurt Westergaard Վիքիպահեստում |
Հայտնվել է հանրային լայն ուշադրության կենտրոնում՝ որպես Մուհամեդ մարգարեի ծաղրանկարի հեղինակ, որը պատկերված է թյուրբանով՝ ռումբի տեսքով։ Այս ծաղրանկարը մյուսների հետ տպագրվել է 2005 թվականի սեպտեմբերի 30-ին դանիական «Jyllands-Posten» թերթում։ Այդ ծաղրանկարների հրապարակումը բողոքի ցույցեր է առաջացրել ողջ իսլամական աշխարհում։ Բողոքի ցույցերն ուղեկցվել են անկարգություններով և բռնություններով, որոնց հետևանքով զոհվել է ավելի քան 150 մարդ։ Վեստերգորի և ծաղրանկարների մյուս հեղինակների սպանության համար նշանակվել է 15 միլիոն դոլար պարգևատրում։ Գրող Եվգենի Կլյուևի կարծիքով՝ Վեստերգորը «այս պահին թերևս ամենահայտնի դանիացին է»։
Սպանության սպառնալիքների պատճառով Վեստերգորը և նրա կինը 2007 թվականի վերջից գտնվում էին անձնական պաշտպանության տակ։ Նրանք ստիպված էին անընդհատ փոխել իրենց բնակության վայրը։ Վեստերգորը թյուրիմացություն հայտնեց, թե ինչու են նրա նկարները հանգեցրել այնպիսի չափազանց մեծ արձագանքի, որն այդքան կտրուկ ազդել է նրա հետագա կյանքի վրա։
2008 թվականի փետրվարին Դանիայի ոստիկանությունը հայտնել էր Օրհուս քաղաքում երեք մարդու ձերբակալության մասին, որոնք իբր ծրագրել էին Վեստերգորի սպանությունը։
2010 թվականի հունվարի 1-ին ձերբակալվել է սոմալիացին, որը կացնով մտել է Վեստերգորի տուն և սպառնացել սպանել նրան, ենթադրաբար մահափորձ կատարողը կապված է եղել իսլամիստական ահաբեկչական կազմակերպությունների հետ։ Հարձակվողը ձերբակալման ժամանակ զինված դիմադրություն է ցույց տվել ոստիկանությանը։ Դատարանը հարձակվողին դատապարտել է 9 տարվա ազատազրկման և Սոմալի արտաքսման։
2010 թվականի նոյեմբերին լույս տեսավ Վեստերգորի ինքնակենսագրական գիրքը՝ «Manden bag Stregen» (Մարդը գծիկի հետևում)։ Գրքի նկարազարդումներից է Մուհամեդ մարգարեի ծաղրանկարը, որը լայն ճանաչում է ձեռք բերել։
2011 թվականի սեպտեմբերին Նորվեգիայի ոստիկանությունը ձերբակալել էր Վեստերգորի դեմ մահափորձ նախապատրաստելու մեջ կասկածվողին։
Վիքիպահեստն ունի նյութեր, որոնք վերաբերում են «Կուրտ Վեստերգոր» հոդվածին։ |
This article uses material from the Wikipedia Հայերեն article Կուրտ Վեստերգոր, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.