Լանգեդոկ-Ռուսիյոն (ֆր.՝ Languedoc-Rosellón․ ֆրանսերեն արտասանութամբ՝ ( լսել); օքս.՝ Lengadòc-Rosselhon․ ˌleŋɡɔˈðɔk ruseˈʎu, կատ.՝ Llenguadoc-Rosselló), Ֆրանսիայի նախկին վարչական տարածաշրջան, որը 2016 թվականի հունվարի 1-ից միավորվել է Միջին Պիրենեյան մարզի հետ՝ կազմավորելով Օքսիտանիա երկրամասը։ Զբաղեցնում է 27 376 քառակուսի կիլոմետր տարածք։ Ընկած է Ֆրանսիայի ծայր հարավում՝ սահմանակցելով Պրովանս-Ալպեր-Լազուրե ափ, Ռոն-Ալպեր, Օվեռն, Միջին Պիրենեյան երկրամասերին, Իսպանիային, Անդորրային։ Հարավում սահմանագծի մի հատված էլ ձգվում է Միջերկրական ծովի ափով։ Կազմված է հետևյալ հինգ դեպարտամենտներից՝ Օդ, Գար, Էրո, Լոզեր, Արևելյան Պիրենեյներ։ Բնակչության աճի տեմպով Լանգեդոկ-Ռուսիյոնն առաջին տեղն է գրավում Ֆրանսիայի տարածաշրջանների շարքում․ վերջին ժամանակաշրջանում արձանագրված աճի տեմպը պահպանվելու դեպքում 2030 թվականին, մոտավոր հաշվարկներով, կունենա 3 միլիոն 300 հազար բնակիչ՝ 26 տոկոսով գերազանցելով բնակչության թվաքանակի 2000 թվականի ցուցանիշը։ Արձանագրված աճը հիմնականում ներքին միգրացիայի արդյունք է, իսկ բնակչության բնական աճը գտնվում է բավականին ցածր մակարդակի վրա։
Երկիր | Ֆրանսիա |
---|---|
Կարգավիճակ | Ֆրանսիայի երկրամասեր |
Մտնում է | Ֆրանսիա |
Վարչկենտրոն | Մոնպելիե |
Բնակչություն | 2 729 721 մարդ (2013) |
Տարածք | 23 376 կմ² |
Հիմնադրված է | հունիսի 4, 1960 թ. |
Սահմանակցում է | Պրովանս-Ալպեր-Լազուր ափ, Միջին Պիրենեյան մարզ, Օվերն, Ռոն-Ալպ և Auvergne? |
Ժամային գոտի | UTC+1 և UTC+2 |
ISO 3166-2 կոդ | FR-K |
Անվանված է | Լանգեդոկ և Ռոսելյո |
2012 թվականի տվյալներով Լանգեդոկ-Ռուսիյոնում տարեկան ստեղծվում է €63,9 միլիարդ եվրոյի (US$82.2 միլիարդ ամերիկյան դոլարի) համախառն ներքին արդյունք։ Տարածաշրջանն առաջին հերթին հռչակվել է գինեգործությամբ։
Տարածաշրջանը Ֆրանսիայի կազմի մեջ է մտել 1271 թվականից, Ալբիգոյան խաչակրաց արշավանքի արդյունքում։
Վիքիպահեստն ունի նյութեր, որոնք վերաբերում են «Լանգեդոկ-Ռուսիյոն» հոդվածին։ |
This article uses material from the Wikipedia Հայերեն article Լանգեդոկ-Ռուսիյոն, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.