Իշտվան Սաբո: հունգարացի ռեժիսոր, սցենարիստ, պրոդյուսեր

Սերում է կաթոլիկություն ընդունած հրեական ընտանիքից։ Պատերազմի տարիներին թաքնվել է մանկատանը, որի շնորհիվ և փրկվել է ոչնչացումից։

Կինո է նկարահանում 1960-ականների սկզբից։ Նրա կինոարվեստն ուսումնասիրում է Կենտրոնական Եվրոպայի նորագույն պատմության սոցիալական, քաղաքական և հոգեբանական խնդիրները։

Իշտվան Սաբոյին համաշխարհային ճանաչում է բերել այսպես կոչված «Գերմանական եռապատումը», որը բաղկացած է «Մեֆիստո» (1981 թ.), «Գնդապետ Ռյոդլ» (1985 թ.) և «Հանուսեն» (1989 թ.) ֆիլմերից։ Սակայն կինոարվեստում իր ամենամեծ ներդրումը Սաբոն կատարել է իր վաղ շրջանի «Հայրիկ» (1966 թ.) կինոնկարով, ինչպես նաև «Ֆիլմ սիրո մասին» (1970 թ.), «Հրշեջների փողոց, թիվ 25» (1973 թ.) և «Բուդապեշտի հեքիաթներ» (1976 թ.) ֆիլմերով։

1981 թ-ին նրա «Մեֆիստո» կինոնկարն արժանացել է «Օսկար» մրցանակի՝ լավագույն օտարալեզու ֆիլմի համար։

1980-ականների վերջից նրա կինոնկարները ստեղծվում են տարբեր լեզուներով՝ եվրոպական երկրների ֆինանսավորմամբ, սակայն նա շարունակում է ապրել Հունգարիայում։

2013 թ-ին Երևանում Իշտվան Սաբոն գլխավորել է «Ոսկե ծիրան» միջազգային կինոփառատոնի «Խաղարկային ֆիլմերի միջազգային մրցույթի» ժյուրին։