Թամիմ Բին Համադ Ալ Թանի
Շեյխ Թամիմ բին Համադ Ալ Թանի (արաբ․՝ تميم بن حمد ال ثاني, հունիսի 3, 1980(1980-06-03), Դոհա, Կատար), Կատարի Էմիրը, որը պաշտոնավարում է 2013 թվականի հունիսի 25-ից։ Նախկին էմիրի՝ Համադ բին Խալիֆայի չորրորդ որդին է։ Թագաժառանգ է համարվել 2003 թվականից, երբ նրա ավագ եղբայրը՝ շեյխ Ջասիմը հայտարարել է գահի նկատմամբ իր հավակնություններից հրաժարվելու մասին։ 2013 թվականին էլ հայրն է հրաժարվել գահից, և շեյխ Թամիմը դարձել է Կատարի բացարձակ միապետ՝ ավտորիտար վարչակազմի ղեկավար՝ գործադիր և օրենսդիր իշխանությունների գլուխ (երկրում քաղաքական կուսակցություններն արգելված են, համապետական ընտրություններ չեն անցկացվում, քաղաքացիները զրկված են մի շարք իրավունքներից)։ Կատարի միջազգային վարկը բարձրացնելու նպատակով Թամիմ բին Համադ Ալ Թանին այստեղ մարզական խոշոր միջոցառումներ է նախաձեռնում, գնել է հանրահայտ Պարի Սեն Ժերմեն ֆուտբոլային ակումբը։
| Թամիմ բին Համադ Ալ Թանի | |
_(cropped).jpg) | |
| Կրթություն՝ | Սանդհարսթի Թագավորական ռազմական ակադեմիա, Հերոու դպրոց և Sherborne International? |
|---|---|
| Մասնագիտություն՝ | քաղաքական գործիչ |
| Դավանանք | սուննի իսլամ |
| Ծննդյան օր | հունիսի 3, 1980 (43 տարեկան) |
| Ծննդավայր | Դոհա, Կատար |
| Դինաստիա | Ալտանի |
| Քաղաքացիություն |  Կատար |
| Հայր | Համադ բին Խալիֆա ալ Թանի |
| Մայր | Մոզա բինտ Նասեր ալ-Միսնեդ |
| Ամուսին | Jawaher bint Hamad Al Thani? |
| Զավակներ | Q118696495? |
| Պարգևներ | |
Կենսագրություն
Թամիմ բին Համադ Ալ Թանին ծնվել է 1980 թվականի հունիսի 3-ին Դոհայում։ Շեյխ Համադ բին Խալիֆա Ալ Թանիի չորրորդ և վերջինիս երկրորդ կնոջ՝ շեյխուհի Մոզա բինթ Նասերի երկրորդ որդին է։ Թամիմը կրթություն է ստացել Մեծ Բրիտանիայում. սովորել է Դորսեթ քաղաքի Շերբորն դպրոցում, դրա միջազգային քոլեջում, Հարրոու դպրոցում, որտեղ 1997 թվականին բակալավրի աստիճան է ստացել, այնուհետև հաճախել է Սանդհրսթի ռազմական ակադեմիա, որն ավարտել է 1998 թվականին։
Ծանոթագրություններ
Աղբյուրներ
- Թամիմ բին Համադ Ալ Թանի Արխիվացված 2018-12-26 Wayback Machine
 | Վիքիպահեստն ունի նյութեր, որոնք վերաբերում են «Թամիմ բին Համադ Ալ Թանի» հոդվածին։ |
This article uses material from the Wikipedia Հայերեն article Թամիմ բին Համադ Ալ Թանի, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.