Էստոնիայի Կլիմա

Էստոնիան գտնվում է բարեխառն գոտում, հյուսիսից և արևմուտքից ափերը ողողում է Բալթիկ ծովը։ Կլիմայի վրա մեծ ազդեցություն են ունենում անտլանտիկական ցիկլոնները, ծովի մոտիկ լինելու պատճառով օդը միշտ խոնավ է։ Գոլֆստրիմի ազդեցության պատճառով ձմեռն ավելի տաք է, քան Եվրասիայի այլ շրջաններում։ Ամառը համեմատաբար ավելի զով է։ Ամենատաք ամիսը հուլիսն է, ամենացուրտը՝ փետրվարը։ Գերկաշռում է մռայլ և ամպամած եղանակը։

Օդի ջերմաստիճանը

Բազմամյա ուսումնասիրությունների տվյալներով (1961—1990 թթ.) Էստոնիայում օդի միջին ջերմաստիճանը կազմում է +4,1 °C-ից +6,3 °C, սակայն նկատվում է աստիճանական տաքացում։ Տարեկան միջին առավելագույն ջերմաստիճանը նկատվում է Սաարեմաա և Հիյումաա շրջաններում (+6), նվազագույնը՝ Լյաենե-Վիրումաա և Յիգևամաա (+4,1...+4,5 °C)։

Ամենացուրտ ամիսը փետրվարն է՝ կղզիներում մինչև −3,3 °C, իսկ մայրցամաքում մինչև −7,4 °C-ով։ Ամենատաք ամիսը հուլիսն է, օրական միջին ջերմաստիճանը +16,2 °C -ից +17,5 °C է։

Ռեկորդային տաք ամիս է եղել Նարվա-Յիեսուու քաղաքում 2010 թվականի հուլիսին՝ +23,4 °C միջին ջերմաստիճանով։ Ռեկորդային ցուրտ ամիս է եղել 1987 թվականի հունվարը Նարվայում՝ −18,0 °C միջին ջերմաստիճանով։

Օդի բացարձակ դրական ջերմաստճանը +35,6 °C, որը գրանցվել 1992 թվականի օգոստոսի 14-ին։ Բացարձակ բացասական ջերմաստիճանը −43,5 °C է, որը գրանցվել է 1940 թվականի հունվարի 17-ին։

Տեղումներ, հարաբերական խոնավություն, ամպամածություն

Տեղումների միջին տարեկան քանակը 535 մմ-ից 727 մմ է։ Օդի միջին հարաբերական խոնավությունը, որպես կանոն բարձր է և կազմում է 79%-ից մինչև 84%՝ կղզիներում։ Ամպամածության ստորին արժեքը 4,8...5,7 բալ է։

Քամու արագություն

Քամու միջին արագություն 2,7 մ/վ-ից մինչև 6,6 մ/վ է։

Հյուսիսափայլ

Հյուսիսափայլի տարեկան միջին տևողությունը կազմում է 1628-ից 1926 ժամ։