էբոլայի բռնկումը Կոնգոյի Դեմոկրատական Հանրապետությունում սկսել է 2018 թվականի օգոստոսի 1-ին, երբ վիրուսակրի չորս դեպք հաստատվեց Կոնգոյի Դեմոկրատական Հանրապետության Կիվու շրջանում։
Վիրուսային վարակի տարածումն ընդգրկել է նաև Իտուրի նահանգը, երբ այնտեղ օգոստոսի 13-ին հաստատվեց առաջին դեպքը։
Տուժած նահանգը և ընդհանուր տարածքը ներկայումս գտնվում են ռազմական հակամարտության կենտրոնում, ինչը խոչընդոտում է բուժման և կանխարգելման աշխատանքները։ Առողջապահության համաշխարհային կազմակերպության արտակարգ իրավիճակների և հակազդման հարցերով գլխավոր տնօրենի տեղակալը նկարագրել է ռազմական հակամարտության և քաղաքացիական աղետի համադրությունը որպես «կատարյալ փոթորիկ», որը կարող է արագ վատթարացնել վիրուսի բնռկումը։
Հյուսիսային Կիվուում և շրջակա տարածքներում իրավիճակի վատթարացման պատճառով առողջապահության համաշխարհային կազմակերպությունը օգոստոսի 27-ին ազգային և տարածաշրջանային մակարդակում ռիսկի գնահատումը «բարձրից» փոխել է «շատ բարձրի»։
Հոկտեմբերի 3-ին, ՄԱԿ-ի Անվտանգության Խորհուրդը հայտնել է, որ զինված հակամարտությունը պետք է անհապաղ դադարեցնել Կոնգոյի Դեմոկրատական Հանրապետությունում, որպեսզի բարձրանա էբոլայի բնռկման դեմ պայքարի արդյունավետությունը։ Հոկտեմբերի 14-ին ավարտվող շաբաթվա տվյալներով ԿԴՀ-ում գրանցվել է 33 վիրուսակիր, որից 24-ը մահացել են։
Նոյեմբերի 9-ին 319 հավանական և հաստատված դեպքերով Հյուսիսային Կիվուում և Իտուրիում Էբոլայի բռնկումը դարձավ ամենամեծը Կոնգոյի Դեմոկրատական Հանրապետության պատմության մեջ։ Ներկայումս պատմության մեջ էբոլայի բռնկման ընդամենը 2 դեպք կա, որոնք ընդգրկման ծավալով ավելի մեծ են, քան այս մեկը։ 2000 թվականին Ուգանդայում վիրուսը հաստատվել է 425 մարդու մոտ, իսկ 2013-16 թվականներին Արևմտյան Աֆրիկայում Էբոլա վիրուսի համաճարակի ժամանակ գրանցվել է ավելի քան 28'000 դեպք։
Կոնգոյի Դեմոկրատական Հանրապետությունում Էբոլայի առաջին դեպքը գրանցվել է օգոստոսի 1-ին, երբ Հյուիսային Կիվուոում չորս անձի մոտ ստուգումները տվեցին դրական արդյունք։ Բացի այդ, նույն օրը Հյուսիսային Կիվուում գրանցվել է հեմոռագիկի 26 նշաններ և մահացության 20 դեպք։ Օգոստոսի 2-ին Օքսֆամը հայտնել է, որ կմասնակցի ԿԴՀ-ում վիրուսի վերջին բռնկման պատասխան գործողություններին։
Օգոստոսի 3-ին վիրուսը զարգացել է տարբեր վայրերում։ Վիրուսի դեպքեր գրանցվել են Հյուսիսային Կիվուի Բենի, Բութեմբո, Օրիչա, Մուսիենե և Մաբալակո, ինչպես նաև Իտուրի նահանգի Մանդիմա և Մամբասա բնակավայրերում։ Մեկ ամիս հետո վիրուսակրերի դեպքեր գրանցվել են միայն Մաբալակո, Մանդիմա, Բենի և Օրիչա շրջաններում։ Մամբասա շրջանի կասկածվող 5 դեպքերը պարզվել են, որ էբոլայի վիրուս չեն։ Հնարավոր չի եղել հաստատել Մուսիենե շրջանի հավանական մեկ և Բութեմբո շրջանի երկու դեպքերը։ Ոչ մի նոր դեպք չի գրանցվել այս շրջաններում։ Բութեմբոյում առաջին հաստատված դեպքը գրանցվել է սեպտեմբերի 4-ին։ Նույն օրը հայտնի է դարձել, որ Բենիում գրանցված դեպքն անցել է Կալունգուտա շրջանից։
ԿԴՀ-ի առողջապահության նախարարությունը հաստատել է, որ էբոլայի նոր բռնկման պատճառը «Զաիր էբոլավիրուսի» տեսակներն են։ Դրանք նույն այն տեսակներն են, որոնք 2018 թվականի սկզբին վիրուսի բռնկում առաջացրին ԿԴՀ-ի հասարակածային և արևմտյան շրջաններում։ Երկրի առողջապահական մարմինները հայտնել են, որ կրկին կօգտագործեն «rVSV-ZEBOV» պատվաստանյութը։
Օգոստոսի 4-ի Առողջապահության համաշխարհային կազմակերպությունը մի շարք գործոնների հանգամանքով ԿԴՀ-ում ստեղծված իրավիճակի գնահատումը տվել է «բարձր ռիսկային» ազգային և տարածաշրջանային մակարդակով։
Ներկայումս էբոլային բռնկումը տարածվում է երկու մարզերում (14 շրջաններ)։
This article uses material from the Wikipedia Հայերեն article Էբոլայի բռնկում Կոնգոյի Դեմոկրատական Հանրապետությունում, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.